Teb'ania 2:14 - Te B'aib'ara

¹⁴ E na riki b'a nneia ni maeka nanai ni man n aekaia nako. E na maeka te aure i marenan baina aika a uruaki, man tangitang man kamamaa, ao e tangitang te reeben i matan mataroa. Ana bane n taekaki nako kain autina ake a karaoaki man taian tiira.

Teb'ania 2:14 ပူးပေါင်းရင်းမြစ်များ

Taian Areru 102:6

Ai aron te mannikiba n tiku n ti ngaia n te rereua; I riki n ai aron te man n taabo ni maeka aika uruaki aika akea kaaia.

Itaia 14:23

E na kanakoia aomata te UEA, ao e na riki te aba b'a te tabo ae e aoneinei ae nneia maan aika a aki manana.

Ieremia 22:14

Ko karaoi wintoona aika a buubura ao ni kamanenaa te kai te tiira b'a rabunan kain te winto ao ko beeniia n te uraura. Ma ko karaoa ae e raoiroi ao ko kairoroia taani kateitei b'a a na m'akuri n aki kabooaki.

Amota 9:1

I noora te UEA b'a E tei i rarikin te bao ni karea. Ao E anga Ana taeka ae kaangai, “Kakorakoraa orean taberan bouan te tembora b'a e aonga ni m'aeiei te aana are i nano. Urui ni kamaerikirikii b'a aonga ni b'akari atuuia aomata. N na bon tiringiia aomata n te buaka; akea ae na biri nako, akea ae na rawea maiuna.

Teb'ania 2:6

Abami ane i rarikin taari e na riki b'a nneia taan kawakin tiibu, ao nneia naba tiibu ni kawakinaki.

Te Kaotioti 18:2

Ao e taetae n te b'ana ae korakora, ao e kaangai, “E a b'aka B'aburon are kakannato! e a b'aka ao e riki b'a neia ni maeka taimonio. Ao neia ni kabureaki tamnei aika kam'ara ni kabaneia, Ao neia ni kainaki maan aika ribaki ni kabaneia.