Teb'ania 1:7 - Te B'aib'ara

⁷ E a kaan ana bong ni motikitaeka te UEA, te tai are E nang karaoa iai ana m'akuri te UEA, ma ngaia are kainab'aabu i matana. E katauraoi te UEA b'a E na anga ana aomata b'a taian karea, ao E kateirakeia kairiribai b'a ana kurib'aia Iuta.

Teb'ania 1:7 ပူးပေါင်းရင်းမြစ်များ

Iobi 24:1

E aera te Atua ngkai E aki karekea te tai ni motikitaeka, te bong i bukin karaoan te eti nako ia aomata aika toro i Rouna.

Taian Areru 46:10

E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

Itaia 13:3

E a tia n tuangiia ana tautia aika a bane aroia ao ana Aomata aika a kakannato b'a a na kaota aron unna.

Itaia 13:6

Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Itaia 29:2

N na bon teimatoa naba ni karawaawatako, ao a na tang am aomata ngkana I karaoa te baonikarea i bukim.

Itaia 34:5

Ngke e a tia ana kabaang te UEA ni karaoa te b'ai are e tangiria nakon taiani karawa aika i eta, ao e na ruo i aon Etom, te botannaomata are e a tia te UEA ni motikitaekaia nakon te b'aka.

Itaia 34:6

E on ana kabaang te UEA n te raraa aika raaraia tiibu ataei ao kooti ataei, n reitaki ma nenean aia kirine taian tiibu m'aane. E na riki aei i bukina ngke e na tiringiia aomata aika a m'aiti te UEA ao E na karaoa te karea i bukiia n te kaawa ae e bubuura are Botira ao n taabo nako i Etom.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Ieremia 46:10

Ma E na tokanikai te UEA ae Moan te M'aaka n te buaka aei ao E na katoka nanona irouia aiana. A na kanaki n ana kaabaang ao ma n nimaki raraaia ni karokoa e ngae. Ane a na tiringaki i meaang i rarikin te karaanga are Iuberetiti, b'a te karea nakon te UEA.

Etekiera 7:10

E a kaan te kabuanib'ai! E a mena n taabo nako te motibuaka ma te kainikatonga,

Etekiera 7:7

E a roko ami bong ngkami aika Iteraera! E na roko te kanakonano i aon taubukin taiani maunga n onea mwiin taian bootaki ni kukurei.

Ioera 1:15

Ti a reke n te kaangaanga! E nang karokoa te kabuanib'ai te UEA are Moan te M'aaka n te tai ae e aki maan.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Amota 6:10

E na kaotinakoaki rab'atan te mate man te auti iroun teuare a na buu te mate arei, are bon ngaia naba ae mataniwiia te bootaki ni mate arei. E na wewete te buu arei nakoia ake a tiku n te auti ni kaangai, “iai riki raom temanna ikanne?” Ao e na kaekaaki ni kaangai, “akea” Ao e na kaangai ana buu teuare e mate, “Tai karongoaa, ti riai ni kaawakiniira man atoatongan aran te UEA.

Amota 8:3

E na oneaki te anene n te bareti, b'a te tanginiwenei n te bong arei. A na raea ni mate aomata n aki akaaka, a na bane n teweaki nako i tinaniku, ao akea riki te karongoaa.

Ab'akuka 2:20

E mena te UEA i nanon ana Tembora are e tabu, ke a bane kaain aonnaba ni kainab'aabu i matana.

Teb'ania 1:14

E a kaan ana bong te UEA, e a rangi ni kaan, ao e rangi ni waekoa! Te bong ae moan te kakamaaku n te aro are e na bon rotaki naba iai te tautia ae moan te ninikoria.

Tekaria 14:1

E na bon roko ana bong te UEA. Ao ngkana e roko, ao a na kaokaki b'aai ni kabane ake a anaaki mai Ierutarem ma n tib'aaki i marenaia kaaina.

Tekaria 2:13

Kam na kainab'aabu aomata ni kabane! E a roko te UEA ao E a ririaki i nanon ana tabo ae e tabu.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Mataio 22:4

E a manga kanakoia tooro tabem'aang, ao e taku, Kam na kangai nakoia ake a kaoaki, “Noria, I a tia ni katauraoi au am'arake; a tiringaki au kao ma au man aika a tia ni kamarikaki i bukin te kanaki. A bane n tauraoi b'aai nako. Nako mai nakon te baka!”

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”

I-Biribi 4:5

Ke e ataaki aromi n taotaonaki n nano irouia aomata ni kabaneia. E a kaan roko te UEA.

I-Korote 1:12

ao b'a kam na katituaraoa te Tama, are karaoingkami b'a kam na tau ni karekea tib'angami n te baere E a tia ni kawakinna te Atua b'a aia b'ai ana aomata aika itiaki ake n te oota.

1.Tamuera 16:5

Ao e taku Tamuera, “Eng, boni ngaia. I roko b'a n na angakarea nakon te UEA. Katauraoingkami b'a kam na ira te angakarea ma n airi ma ngai.” Ao e kaooa naba Iete Tamuera ma natina m'aane b'a a na ira te angakarea, ao e tuangiia, ao e kairiia b'a a na ira te angakarea.

1.Tamuera 20:26

ma akea te b'ai ae e taekinna Tauro n te bong anne, b'a e taku i nanona, “Tao iai te b'ai ae e riki i rouna, tao e aki itiaki ni kaineti ma aron te taromauri.”