Teb'ania 1:5 - Te B'aib'ara

⁵ N na kamaunaia ake a tam'arakei taubukin aia auti man taromauriia taai, nam'akaina, ao taian itoi. N na kamaunaia naba ake a taromauriai man berita b'a ana kakaonimaki nako iu, ao a manga rairaki nakon te anti are Marekam.

Teb'ania 1:5 ပူးပေါင်းရင်းမြစ်များ

1.Uea 11:33

A aki katotoonga Tawita are ana bakatibu Toromon ma Iteraera. A aki ongotaeka irou, ke ni karaoi baika a raoiroi. A tia n rairaki nako mai irou ni manga taromauria Nei Atiterota, are antiia Titon ma Kemoti are antin Moaaba, ao Mirekon are antin Ammon.

1.Uea 11:5

Ao Toromon E tataromauria te anti te aine are Nei Atitoreta are antin Titon, ao Mirekom are antiia kaain Ammon ae e rangi n ribaaki.

1.Uea 18:21

Ao e tei Eria i mataia ao e taku, “Ai ti maanra riki ngkami ni biribiri i marenan b'aai aika uoua? Ngkana kam taku b'a te Atua te UEA, ao taromauria. Ma ngkana te Atua B'aara ao taromauria.” Ao bon akea te b'ai ae a taekinna aomata.

2.Uea 17:32

A taromauri oin antiia n aron are a karaoia naba ngkoa i m'aain uotakiia nako Iteraera. A taromauriia naba te UEA, ma a bon rinei oin aia aomata n taiani baangota.

2.Uea 17:41

A taromauria te UEA, ma a bon taromauri naba oin aia bouananti. Bon ti te bo naba ma are a karaoia aia kariki.

2.Uea 23:12

Tabeman uean Iuta, ma ai moaraara riki Manate, e a tia ni karaoi taiani baonikarea i nanon oon te Tembora ake uoua, ao n te tabo naba are e karaoia Aati i aon taubukin te bareti. E uruia taiani baonikarea aikai Iotia ao e kamaerikirikii, ao e karenakoi m'akorokoroia i nanon te M'arua are Kiteron, i tinanikun Ierutarem.

Itaia 22:1

Aio te rongorongo i bukin te M'arua are Kaotioti. E aera ngkai kam karaoa te bootaki ni kukurei i aon taubukin ami auti aika a booraoi?

Itaia 44:5

A na taromauriai ao a na riki b'a au aomata. Ane a na korea arau i akuun baiia.

Itaia 45:23

I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Itaia 48:1

Kaain Iteraera kam nako mai roun ana utu Iakob'a ao barongan Iuta. Kam taekinna b'a kam taromauriia, te UEA ae Atuan Iteraera, ma kam kewe.

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Ieremia 19:13

ma ni kabuoka te b'ai ni kaboiarara nako ia taian itoi i karawa, b'a kaanga manga taian anti. Ao kam a tia n anga taiani karea aika te wain nako ia antiia ianena.

Ieremia 32:29

A a kaman buakana te kaawa kaain B'aburon, ao ane a na taua ma ni kaurarakea. E a tia ni kaunai kaain Ierutarem ngke a aki toki n tatam'arake nako taubukin aia auti ma ni kabuoka te b'ai ni kaboiarara nakon B'aara ao a anga te wain nako ia anti ake tabem'aang. Ao ngkai a nang kabuokaki auti aikai ni kab'akaaki!

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Ieremia 49:1

E taekina te b'ai aei te UEA i bukiia botannaomatan Ammon: A rangi ni m'aiti natiia Iteraera aika a b'aib'ai n te aba. Ma ngaia are, e aera ngkami aika taan taromauria te anti are Mirekom ngkai kam a anai taiani kaawa ao aaba ake aia b'ai kaain te baronga are Kata?

Ieremia 5:2

A bane aomata ni kabane n urua aia berita aika a karaoi n Arau.”

Ieremia 5:7

Kaain Iuta, N na kangaa ni kab'ara ami bure? I anganingkami b'aai nako, ma kam kiitanai ao kam taromauri bouannanti. Ngkami aika mm'aane kam nako ni kawariia ainen matawa ao kam aki kakaonimaki nako ia buumi.

Ieremia 7:10

Ao i mwiina, kam rin i nanon au Tembora ao kam taromauriai! Tao kam taku b'a N na kawakiningkami n te aro b'a kam na teimatoa ni kaakaraoa te bure?

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Otea 10:2

Ko kam'am'ane ao ko aki kakaonimaki. Ma ngaia are, ko na anganaki boon am bure nako, i bukina b'a E na urua am baonikarea ao am banna te UEA.

Otea 4:15

Iteraera, kam aki kakaonimaki, ma kam na aki kaira Iuta nakon te bure. Katoka te taromauri i Kirekara ke Betaera ae bubure Ao ani katoka karaoan taiani berita n arau-aran te UEA ae E maiu.

Amota 5:26

B'a ngkai, kam'a tia n taromauri katotongan Takuta, are uean atuami, ao Kaiwan, are atuaia itoi ao kam na uouoti banna akanne

Mataio 6:24

Akea te aomata ae kona n toro irouia tooka uoman: b'a ane e na riba temanna, ao e na karinea are temanna. Kam aki kona n toro iroun te Atua ma kaub'ain te maiu aei.

M'akuri 10:9

Ngke e a ingabong, ngke a m'ananga i aoni kawaia ao a kaania te kaawa, ao e rierake Betero nako aon taubukin te auti b'a e na tataro iai, tao e a tawanou.

I-Rom 14:11

B'a e koreaki ae kaangai: E taku te UEA, “Ngkai I maiu, ao ane a na bane bubuaniwae ni katorobubua nako iu, Ao a na bane neewe n neboa te Atua.”

Te Tua-Kaua 10:20

Karinea te UEA ae Atuami, m'akuri i bukina, ao kam na berita n arana n ti Ngaia.

Te Tua-Kaua 4:19

Ao ngkana kam noora nam'akaina ke taian itoi, ao kam na aki bobaraaki n taromauriia. E bon katikuia te UEA ikekei b'a aonga n taromauriaki irouia botannaomata tabeua.

Iotua 23:7

ao kam na aki rangi n reitaki ma koraki akanne, ao kam na aki naba m'anewei araia antiia, ke n te tuea n araia, ke n taromauriia, ke ni boobaraaki nakoia.