Teb'ania 1:4 - Te B'aib'ara

⁴ N na oroia aomatan Ierutarem, n te aba ae Iuta ni kabane, n na kamaunaia n tatabemaniia nako, aomata ake a taromauria B'aara, b'a e aonga ni bon akea manga uringaia ibonga ni beekan.

Teb'ania 1:4 ပူးပေါင်းရင်းမြစ်များ

2.Uea 21:13

E a rangi buakaka Ierutarem n aron Aaba ma kaain Taamaria. Ma ngaia are, N na kamaunaa Ierutarem ma ni katiaa taekana, n ai aron temanna ae e taea nako te ran mai nanon te raurau b'a e na m'au.

2.Uea 23:12

Tabeman uean Iuta, ma ai moaraara riki Manate, e a tia ni karaoi taiani baonikarea i nanon oon te Tembora ake uoua, ao n te tabo naba are e karaoia Aati i aon taubukin te bareti. E uruia taiani baonikarea aikai Iotia ao e kamaerikirikii, ao e karenakoi m'akorokoroia i nanon te M'arua are Kiteron, i tinanikun Ierutarem.

2.Rongorongo 34:4

E karaua ni matakuakina te baonikarea i bukin taromaurian te anti are Baara ngke a kab'akaaki, ao taian baonikarea i bukin te b'ai ni kaboiarara ake i rarikina ngke a urubekeaki naba. A bane naba n uruakaki bouan Nei Atera, ma ana bouannanti, ao taian atiibu ake taiani banna, ao n raea n aki akaaka m'akorokoroia i aan ruanimateia koraki ake taan taromauriia.

Te Otinako 15:12

Ko arora nako baim ti te angaatai, ao a kab'autaki naba ara kairiribai iroun te aonnaba.

Ieremia 15:6

Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

Ieremia 6:12

N na katuaaia kaain Iuta ma n anga aia auti ma aia tawaana nako ia tabem'aang, ao ai uana naba ma buuia. Bon aei au taeka Ngai ae te UEA.

Etekiera 25:7

Ma ngaia ae N na anga ngkami nakoia kairiribai aika a na kimoaingkami. N na kamaunaingkami ni kabane. E na aki tau nikiraia ami aomata ni manga karika riki ami botannaomata, ao ane kam na ataai iai b'a bon Ngai ae te UEA ae te Atua ae I karaoi baikai ni kabane.

Etekiera 6:14

N na karika abaia b'a te aba ae akea manenan kain aona, ni moa man Rereuan Maiaki nakon te kaawa are Ribera i meaang. Ao ane a na ataai bon Ngai ae te UEA ae I karaoi b'aai aikai.

Otea 10:5

A bane ake a maeka i Tamaria n ruru ni maaku i bukin iangoan taian bouananti i Betaera are e korakora te bure iai. te bouannanti bon aia kamoamoa taian ibonga, ma a bon uotiia nakon te kamamaaeaki; ao ngkai a bane n tang.

Mika 5:13

N na urui am bouananti ma am baangota nako; b'a kam na aki manga taromaurii baika kam boni karaoi.

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

Teb'ania 2:13

E na kam'akura m'akana te UEA ni kamaunaia i Aturia. E na karika kaawan Ninewe b'a te tabo ae akea te maiu iai, te rereua ae akea te ran iai.