Teb'ania 1:17 - Te B'aib'ara

¹⁷ E taku te UEA, “N na karokoa te kanganga nako aoia aomata, b'a aonga n nakonako ni kakaenako baaia kanga te aomata ae e mataki. A tia ni bure nako iu, ao ngkai ana waanako raraaia n ai aron te ran, ao rab'ataia ana wene n raea ni mate, ma ni buakaka i aontano.

Teb'ania 1:17 ပူးပေါင်းရင်းမြစ်များ

Taian Areru 83:10

Ko katae aia kai i Entora, Ao a wene ni mka rab'ataia i aontano.

Itaia 29:10

E a tia te UEA ni karaoingkami b'a kam na nimatutuu; ma ni karokoa te matu ae e korakora i aomi ao n rabun atuumi.

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Ieremia 10:18

E taku te UEA b'a e na uotingkami taiani kangaanga aikai nakon te kataenikaiaki, ao ane kam na karenakoaki man abami kaanga te atiibu are kanoan te bana.”

Ieremia 15:3

N na katuaaingkami ni kawai aika aua aika a kakaokoro. Ane kam na mate n te buaka ao a na katitikaki nako rab'atami irouia kamea, a na kanaki irikomi irouia mannikiba, ao a na kam'akeruaki riimi irouia maan aika a aki manana.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 2:17

Bon am bure! Ko katoka iriiraku, Ngai ae te UEA ae te Atua,

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 4:18

“Kaain Iuta, ane a na rootaki nanomi n te maraki, ma bon ami kaairua ae e kam na katuaaeaki iai.”

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

B'aeb'aeti 1:14

“E atai au bure ni kabane, ao E bootii n ti teuana. E katokaa i aon akuu b'a kaanga te amo. Ao e a taonai rawawatana. E anga ngai te UEA nakoia au kairiribai ao i aki konab'ai ni kaaitaraia.

B'aeb'aeti 1:18

Ma E bon raoiroi te UEA, b'a i a bon tia n aki ongeaba i rouna. Ongora irou, ngkami aika aomata taabo nako; noora rawawatau aei. A tia ni uotaki nako au rorobuaka ma au ataeinaine b'a taenikai.

B'aeb'aeti 1:8

Ai bon akea karineana; e bebeekan ma na kateaki b'a e na tirobaeaki. E tang ao e karabai matana b'a e mamaa. E bon karaoia b'a e na ribaaki i bukin ana bure.

B'aeb'aeti 2:21

A kaai ni mate i nukan te kaawa ataei ma ikawai, A mate rorobuaka ma ateiaine n aia kabaang kairiribai. Ko tiringiia n akea riki nanoangaakiia n am bong n un.

Etekiera 16:38

N na kuneko b'a ko bure b'a ko a tia n riki b'a te ainenum'a ae e aki kakaonimaki ao te tia tiritiri, Ao n anga motikan taekam b'a ko na kamateaki!

Etekiera 24:7

A tiringiia aomata aika a raoiroi kaain Ierutarem ao a aki tabe naba ma karabaan te raraa are e raanga nako aon te tano ae e matoatoa.

Etekiera 24:8

Ma I a tia n noora te raraa anne, ao e tang nako iu n tangira irantangaana.

Amota 4:10

“I karokoa te kai i aomi n ai aron are I oroia naba ngkoa iai I-Aikubita. I tiring ami rorobuaka n te buaka ao I uoti nako ami aoti. Ao I kaboiraaea ami kaawa ni kabatia te aomata ae mate iai. Ma kam bon teimatoa naba n aki onimakinai.

Mika 7:13

Ma e na riki n rereua te aonnaba i bukin aia m'akuri aika a buakaka ake a maeka iai.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

I-Rom 11:25

B'a I aki tangiringkami, taari, b'a kam na aki ata te b'ai ae raba aei, b'a kam kaawa ni bakanrabakau iai: b'a iai tem'angina i buakoia Iteraera aika a matoatoa nanoia n rawa n onimaki, ao a na tiku n aroia aei ni karokoa ae e koro m'aitiia aomata aika tiaki I-Iutaia n nakon te Atua.

I-Rom 11:7

Ao tera ngkanne ae riki? B'a te baere a ukoukoria Iteraera e aki reke i rouia ni kabaneia, ma ti irouia ake a rineaki; ao nikiraia a kamatoatoaki nanoia;

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

2.Betero 1:9

Ma ane akea i rouna baikai, ao e reme ana taratara n te aro are e aki kona n nora ae raroa, ao e m'aninga are e a tia ni kaitiakaki man ana bure ake nikawai.

1.Ioane 2:11

Ma ane riba tarina ao e mena n te roo, ao e nakonako n te roo n aki ataa ike e nako iai, b'a e kamatakii matana te roo.

Te Kaotioti 3:17

Ngkai ko kaangai: I kaub'ai, ao a kabatiaki au b'ai, ao I aki kainano n te b'ai teuana; ao ko aki ataiko b'a te aomata ae e kai nanona ngkoe, ao ko kananoanga; ko aki kaub'ai, ko mataki, ao akea karabaam.