Teb'ania 1:16 - Te B'aib'ara

¹⁶ E na kanoaki te bong arei n tangin taian buu ni buaka, ao karongoaia taani buaka ngkana a buakani kaawa aika a nonoaki ma taua aika a ririeta.

Teb'ania 1:16 ပူးပေါင်းရင်းမြစ်များ

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 32:14

E na kiitanaki te bareti, ao a na akea aomata. Ao a na riki taian nono ma taua b'a nneia n takaakaro n aki toki taian aati aika a aki manana ao nnen tawaana n uteute ake kanaia tiibu.

Itaia 59:10

Ti kaenakoi baira ni kakaaea kawaira, kaanga aroia aomata aika a matakii; a toki waera ngke e tawanou, kaanga ai aron ae e a bong. Bon ti te arona ara taratara ma te aomata ae e a mate.

Ieremia 6:1

Biri n rawei maiumi, aomatan Beniamin. Oti nako mai nanon Ierutarem. katanga te bu i Tekoa ao kaura te ai are te kanikina i Beta-Akirem. Ko na oreaki n te tai ae e aki maan n te kabuanib'ai mai meang.

Ieremia 8:16

A a tia ni roko ara kairiribai ni kaawan Taan ake i meang, ao ti a maaku n tangitangin ikeiken aia aoti. A na kamaunaa Ierutarem ma ara botannaomata ni kabane ara kairiribai. Bon akea temanna ae e na reke maiuna.”

Etekiera 7:7

E a roko ami bong ngkami aika Iteraera! E na roko te kanakonano i aon taubukin taiani maunga n onea mwiin taian bootaki ni kukurei.

Otea 5:8

A anga te kauring n te bu! Ke ongo te aba i Kibea, Ram'a, ao Betaera are e korakora te bure iai. Beniamin, tarataraiko!

Otea 8:1

Katanga te buu ni kauring! Iteraera, ko a tia n urua ara boraraoi ao ko a tia n aki kubara au reirei. Ao ngkai e na kiba rikaaki te ikare ni buakana abau.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Amota 3:6

Ana kona n aki maaku aomata ngkana e tang te bu ni kaota buakanakin te kawa? Ana kona n roko buaka n orea te kaawa ngkana e aki karokoa te UEA?

Ab'akuka 3:6

Ngkana E toki ni m'akuri ao e m'aeiei aon te aba; a ruru ni maaku botannaomata i matana. Maunga ake ngkoa ana maenako ao tabuki ake a teimatoa ana inako, ake tabuki ake E nakonako i aona n taai ake ngkoa.

Te Tua-Kaua 28:52

Ami kairiribai ane a na buakan kaawan nako te aba are E a tia n anganingkami te UEA ae Atuami. Ane kam na taku b'a kam mano raoi n oon ami kaawa, ma ane a na uruaki naba irouia ami kairiribai,

Iotua 6:20

Ma ngaia are a katanga aia buu ibonga, ao a takaarua aomata ni kanenei b'anaaia, ao e rina ni b'aka oon te kaawa ni katab'aninna, ao a bane ni m'ananga ana taanga ni buaka Iotua n tam'arakea te tabuki are e tei iai te kaawa, n niniia ma n taua.