Teb'ania 1:15 - Te B'aib'ara

¹⁵ Bongin unin te UEA, bon bongin te kanganga ma te rawaawata bongin te mauna nako ao te urubekebeke, bongin te i anroo ma te rotongitong, bongin te nubono ma te uananginang.

Teb'ania 1:15 ပူးပေါင်းရင်းမြစ်များ

Itaia 13:9

N na kaota au aki nanoanga ke au aki akoi Ngai ae te UEA ngkana e roko te tai arei. N na kamaunaa te aonnaba ni marakin nanou ao taani bure naba ni kabane akana a maeka i aona.

Itaia 22:5

E a tia te UEA ae Moan M'aaka n rinea te tai are e na kaonaki iai te M'arua are Kaotioti n taian takaarua ao taiani kamangaongao, ao te tai naba ni butiia taiani maunga b'a a na buokiia.

Itaia 8:22

ao i aon te aba, e na reke nakoia te kiriwe ao te rotongitong, te kiriwe ae moan te kangaanga ao te rootongitong ae moan te korakora.

Ieremia 30:7

Au aomata, e na rangi ni korakora riki marakimi nakon are mai i m'aaina n te tai ae e aki maan mangkai, ma N na kamaiungkami.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Ioera 2:2

E na roo ao ni kananokawaki ma nangin te buaka i aora. A na kaona aon te maunga nako te taanga ni buaka kaanga ai aron nangin buakan karawa. Bon akea te taanga ni buaka ae e korakora ae e a tia n ikotaki mai m'aaina ke ae e na manga ikotaki rimwi.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

Teb'ania 2:2

i m'ain ae ko ukaki nako n te ang n ai aron kunin te b'are, i m'ain rokon te bong are e na ura unin te UEA iai i aom.

Mataio 24:29

I mwin naba te rawawata ni boong akanne, ao e na karooaki ootan taai, ao a na akea ootana; ao nam'akaina e na aki oota, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

Te Tua-Kaua 28:52

Ami kairiribai ane a na buakan kaawan nako te aba are E a tia n anganingkami te UEA ae Atuami. Ane kam na taku b'a kam mano raoi n oon ami kaawa, ma ane a na uruaki naba irouia ami kairiribai,

2.Betero 3:7

Ma karawa ma aon te aba aika iai ngkai a kawakinaki naba n ana taeka te Atua b'a kanaan te ai. A kawakinaki ni karokoa te bong are a na motikaki iai taekaia aomata aika akea reitakiia ma te Atua ao a na kamateaki.

Te Kaotioti 6:17

B'a e a roko te bong are kakamaaku are bongin unna, ao ai antai ae kona n tei i m'aina?”