Teb'ania 1:14 - Te B'aib'ara

¹⁴ E a kaan ana bong te UEA, e a rangi ni kaan, ao e rangi ni waekoa! Te bong ae moan te kakamaaku n te aro are e na bon rotaki naba iai te tautia ae moan te ninikoria.

Teb'ania 1:14 ပူးပေါင်းရင်းမြစ်များ

Itaia 15:4

A tang aomata mai Etibon ao Ereare, ao e ongo te aba mai Iaati; A takaarua n tang taani buaka mai Moaaba ngke a ruru ni maaku.

Itaia 33:7

Kakauongo! Taani buaka aika kam ninikoria aika kam biribiri i nanon kawain nuukan te kaawa, aika kam takaarua i bukin buokami. E kaantaninga te rau ara taani uarongorongo, ma a okiri aia auti ma te tang.

Itaia 66:6

Kam a ongo taian karongoa akekei ake i nanon te kaawa arei ma taian tatakarua aika a nako man te Tembora? Bon takaaruan te UEA ngkai e tabe ni katuaaia ana kairiribai.

Itaia 8:22

ao i aon te aba, e na reke nakoia te kiriwe ao te rotongitong, te kiriwe ae moan te kangaanga ao te rootongitong ae moan te korakora.

Ieremia 25:36

Kam tanginiwenei ma n tang n takaarua i bukina b'a te UEA e na urua aron ami botannaomata

Ieremia 30:7

Au aomata, e na rangi ni korakora riki marakimi nakon are mai i m'aaina n te tai ae e aki maan mangkai, ma N na kamaiungkami.

Ieremia 46:5

I konaa n noora te buaka ngkai kam a taenikai ao kam biri nako, n aki manga tatanrikaaki. E otab'aniniingkami te maaku.

Ieremia 48:41

A na tauaki ami kaawa aika a buubura ma ami nono, ao a na tauaki ni korakoran te maaku ami taan buaka.

Etekiera 12:23

Ngkai ko na tuangiia aomata b'a N nang karaoa te b'ai teuana ae a na kakoauaa iai b'a e bure aia taeka anne. Bon akea riki ae e na manga konaa n taekina riki anne i aon Iteraera, i bukina b'a a nang koro bukin b'aai ni kabane aika I taekin n te tai ae e aki maan!

Etekiera 30:3

i bukina ngkai ko na waekoa ni katuaaeaki! Bon anne tain te rootongitong ao te b'aka i bukiia botannaomata nako.

Etekiera 7:12

E a roko te tai are a na bane iai aomata n uruaki aroia. E nang toki te kaboob'ai ma te kabonako b'aai,

Etekiera 7:16

A na biri nako akana a reke maiuia nakon taian tabuki, kaanga taian taobe aika a kiitan taiani m'arua ni kakaaea kamaiuaia. Kam na bane n tang i bukin ami bure.

Ioera 1:15

Ti a reke n te kaangaanga! E nang karokoa te kabuanib'ai te UEA are Moan te M'aaka n te tai ae e aki maan.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Ioera 3:14

A kaona te M'arua are Te Motikitaeka aomata aika m'aiti. E na roko ana bong n ana Motikitaeka te UEA n te tai ae e aki maan ikai

Ioera 3:16

E na bekorara te UEA kaanga te raian mai nuukan Ierutarem e na karurua aonnaba ma karawa. Ma te UEA bon te nono, te tabo ni katantan i bukiia ana aomata aika Iteraera.

Amota 8:2

Ao E tuangai te UEA, “Tera ae ko nooria Amota?” Ao I kaangai, “te b'aene ni uaanikai.” E taku te UEA nako iu, “E a roko te toki i aoia Au aomata aika Iteraera. N na bon aki bita nanou i bukin oreaia.

Teb'ania 1:10

“Ao n te bong arei,” bon ana taeka te UEA, “Ko na ongo te tanginiwenei n te mataroa are e aranaki b'a te ika i Ierutarem, ao ko na ongo te tanginiwenei n iteran te kaawa are e boou, ao te rurunga man taian tabuki.

Teb'ania 1:7

E a kaan ana bong ni motikitaeka te UEA, te tai are E nang karaoa iai ana m'akuri te UEA, ma ngaia are kainab'aabu i matana. E katauraoi te UEA b'a E na anga ana aomata b'a taian karea, ao E kateirakeia kairiribai b'a ana kurib'aia Iuta.

Maraki 4:5

I berita Ngai ae te UEA b'a N na kanakoa te burabeti are Eria i m'aain rokon te bong ae e rangi ni kakamaaku anne.

M'akuri 2:20

E na riki n roo taai, ao e na turubaka n uraura nam'akaina, i m'ain rokon ana bong te UEA are kakannato are kakamaaku.

I-Biribi 4:5

Ke e ataaki aromi n taotaonaki n nano irouia aomata ni kabaneia. E a kaan roko te UEA.

1.I-Tetaronike 4:16

B'a ane E na ruo te Uea mai karawa ma te b'anaa ae takarua n taetae, ma b'anaan te anera ae kakannato, ma tangin ana bu te Atua. Ao a na manga uti moa ake a mate ake a onimakina Kristo,

Ebera 12:26

are e kam'aeieia te aba b'anaana n te tai arei, ao E taetae ngkai ni kangai, “Ai ti teuana riki kam'aeieian tiaki ti aonnaba i Rou, ma kam'aeieian naba karawa.”

Iakobo 5:9

Taari, kam na tai i b'angantaeka, b'a a kaawa ni motikaki taekami; noria, e a kaan te tia motiki-taeka b'a ae E a kani kaoti.

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.