Teb'ania 1:12 - Te B'aib'ara

¹² “N te tai arei, N na anaa te taura mani kibeea nanon Ierutarem. N na oroia ake akea raraoman nanoia, man onimakiniia i bon irouia, man taku, “Akea te b'ai ae E kona ni karaoia te Atua nakoira, ni kakab'aiara ke ni karekekaira.”

Teb'ania 1:12 ပူးပေါင်းရင်းမြစ်များ

Iobi 21:15

A taku n aia iango b'a akea uaan te beku i bukin te Atua, ao te tataro nako Ina.

Taian Areru 10:4

E aki kan reitaki teutana ma te Atua te aomata ae buakaka; E taku n ana iango b'a akea te Atua.

Taian Areru 14:1

Bon ti te aomata ae e nanobaba ae e kona ni kaangai, “Akea te Atua.” Akea bonganaia aomata aikai; Akea irouia ae karaoa ae e raoiroi, ao akea te raoiroi i nanoia.

Taian Areru 94:7

A kaangai, “E aki norira te UEA; E aki mutiakin arora Atuan Iteraera.”

Itaia 5:19

Ao kam taku, “Ke e kawaekoaa Atuan Iteraera ae e tabu ni karaoa te b'ai are e a tia ni berita iai, b'a ti aonga ni bon nooria ngaira.”

Ieremia 10:5

Bon ti te bo te bouannanti ma b'ain kakamaakaia maan. E bon aki konaa n taetae, ao e na bon ti uouotaki. b'a e aki konaa n nakonako. E aera ngkai e taromauriaki te bouannanti ae e aki konaa ni buobuokingkami ke ni kaikoakingkami?

Ieremia 48:11

Moaba, ti te bo ngkoe ma te wain ae e tiku n arona n aki kumekumeaki, n aki kaakab'aroaki man te tiaeki teuana nakon te tiaeki teuana.

Etekiera 8:12

E taku te Atua, Etekiera, ko na noori b'aai aika a kakamaaku aika a karabai ni karaoi taani kairiiri mai Iteraera? A kaona nanon te ruu n taiani bouannanti. Ao a taku b'a I aki konaa nooriia, i bukina b'a a taku b'a I a tia ni kiitana Iteraera.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Etekiera 9:9

Ao E kaeka te UEA ni kaangai, “A tia Iteraera ma Iuta ni karaoi b'aai aika a rangi ni kakamaaku. E a onrake abaia irouia taan tiriaomata, ao e a onrake Ierutarem n te tiritiri. A taku b'a I a tia ni kiitaniia, ao I aki konaa n noori b'aai ake a tia ni karaoi.”

Amota 6:1

Bon te bong ae e kakamaaku nakoimi ngkami Iteraera ake i Tion, ake kam m'aninga nako n nakoami aika a ririeta, ao ngkami naba ake i Taamaria ake akea raraoman nanomi n unin te UEA. E kanga n riki anne iroumi ao bon ngkami taan kawaraki irouia aomata i bukin buokaia.

Ob'aria 1:6

A kurib'aiaki kaub'aimi kanoan Etau!

Maraki 2:17

Kam a tia n rangi ni kakuaa te UEA n ami taeka nako. Ao kam titiraki ni kaangai, “Ti na kangaa ni karaoa anne?” Kam karaoia n ami taeka ngke kam kaangai, “E kukurei te UEA ni karaoa te buakaka ao E aki tabe ma te motiraoi.”

2.Betero 3:4

ao ane a na kaangai, “E nga rokona ae taekinaki? B'a man te tai are a mate iai ara bakatibu, ao a teimatoa n tiku b'aai ni kabane n aroia ma ngke a moa ni karikaki aonnaba.”

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.