Teb'ania 1:10 - Te B'aib'ara

¹⁰ “Ao n te bong arei,” bon ana taeka te UEA, “Ko na ongo te tanginiwenei n te mataroa are e aranaki b'a te ika i Ierutarem, ao ko na ongo te tanginiwenei n iteran te kaawa are e boou, ao te rurunga man taian tabuki.

Teb'ania 1:10 ပူးပေါင်းရင်းမြစ်များ

2.Tamuera 5:7

Ao e taku Tawita nakoia ana taanga ni buaka, “Kam na riai n rin man kawain te ran ni karekeia kaain Iebuti aikai.

2.Tamuera 5:9

Bon anne bukina ngkai iai te tua ae e kaangai, “Bon ti aomata aika a konaa n nakonako ke a noraaba aika a kariaiakaki i nanon te tembora.” E taua te nono are i aon Maungan Tion Tawita, ao i mwiina, e a manga m'aing nako ikekei, ao e arana te tabo arei b'a Ana Kaawa Tawita. Ao e a manga karaoa te kaawa arei, ni moanna man kanoaan nanona are mai mainiku.

2.Uea 22:14

Ao a nako m'aane ake niiman akekei n taetae ma Nei Ureta are te burabeti. Buun Nei Ureta bon Tiarum are natin Tikewa, are te tia tararuai ana kunnikai te uea. E maeka Nei Ureta ni m'akoron Ierutarem are mai meang, ao ngke a kaaitibo ni mwengana

2.Rongorongo 3:1

A moana karaoan te Tembora are i Ierutarem ana taani m'akuri Toromon ni kauabongin te kauoua n nam'akaina, aua te ririki i m'aain rikin Toromon b'a te uea i aon Iteraera.

2.Rongorongo 32:22

E kamaiua Etekia ma kaain Ierutarem te UEA mairoun Tennakeriba ao e kaawakiniia naba mairouia aia kairiribai ake tekorakina.

2.Rongorongo 33:14

Rimwi, e a manga katea oon tinanikun m'akoron Ierutarem are i mainiku Manate ao e a manga karietaa riki. E waaki te oo aei man te M'arua are Kion i meang nakon te Mataroa are Ika ao ni katobibia m'akoron te kaawa are e buubura arei are e aranaki b'a te Maunga are Obera. Ao e anganiia naba taian aobitia n te taanga ni buaka tib'angaia n tatabemaniia nako b'a tararuakin taian kaawa aika a buubura ake a nonoaki i Iuta n tatabeua nako.

2.Rongorongo 34:22

Ao a nako Irekia ma m'aane ake aman akekei ao a nako n taetae ma Nei Ureta are te burabeti. Buun neierei bon Tiarum, are bon ngaia are e tararuai kunnikain te uea. E maeka Nei Ureta ni m'akoron Ierutarem are meang, ao ngke a kaaitibo ni mwengana,

Neemia 12:39

ma te Mataroa are Eberaim, ma te Mataroa are B'ainikawai, ma te Mataroa are Ika, ma te Taua are Ananera, ma te Taua are Tebubua, ao ni karokoa te Mataroa are Tiibu. Ao n te kabanea ti a toki n te mataroa are Aia Mataroa Taan Tei,

Neemia 3:3

Ao te utu are Atena, e katea te Mataroa are te Ika. A kaaki taian tatanga ni nneia ao a katinetinei taiani mataroa, ao i mwiina, a manga kanim taian b'auti ao tatanga aika taiani kai b'a rokaia.

Itaia 59:11

Ti kungkung kaanga taiani bea ao ti tang kaanga taian taobe. Ti kaantaningaa te eti ao te tokanikai, ma a biri nako mairoura.

Ieremia 39:2

Ao e b'aka nonon te kaawa ni karuaiwan bongin te nam'akaina are te kaaua n ana katebwi ma teuana n ririki ni uea Tetekia.

Ieremia 4:31

I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”

Etekiera 6:13

Aikai aomata ake a aki toki n angaanga te b'ai ni kaboiarara nakoia taian bouannanti n taian baonikarea ake a karaoaki i aon taian tabuki ke taberan maunga ao i aan nuun kaai aika taian oke. Ma ngkana a nooria aomata aika a mate i rarikin taian baonikarea, ao ane a na ataai iai b'a bon te UEA Ngai.

Amota 8:3

E na oneaki te anene n te bareti, b'a te tanginiwenei n te bong arei. A na raea ni mate aomata n aki akaaka, a na bane n teweaki nako i tinaniku, ao akea riki te karongoaa.

Teb'ania 1:15

Bongin unin te UEA, bon bongin te kanganga ma te rawaawata bongin te mauna nako ao te urubekebeke, bongin te i anroo ma te rotongitong, bongin te nubono ma te uananginang.

Teb'ania 1:7

E a kaan ana bong ni motikitaeka te UEA, te tai are E nang karaoa iai ana m'akuri te UEA, ma ngaia are kainab'aabu i matana. E katauraoi te UEA b'a E na anga ana aomata b'a taian karea, ao E kateirakeia kairiribai b'a ana kurib'aia Iuta.