Tani Motiki-taeka 9:7 - Te B'aib'ara

⁷ Ao e ongo Ionatan te b'ai are a n a karaoia, ao e tam'arakea te Maunga are Keritim ao e takaarua rikaaki nakoia aomata ake a bootaki ni kabowi ikekei ni kaangai: Taani kairiiri i Tekem, ongora irou, e na mena ngkoa ao E kakauongo te Atua iroumi.

Tani Motiki-taeka 9:7 ပူးပေါင်းရင်းမြစ်များ

Karikani B'aai 37:6

Ao e taku nakoia, “Kam na ongora miiu are I miia.

Taeka n Rabakau 21:13

Ngkana kam aki buoka te aomata ae e maiu ni kainano, tai iangoia b'a a na ongo b'anaam aomata ngkana kam tang ni buubuti buokami.

Taeka n Rabakau 28:9

E aki konaa ni kukurei te Atua n ongora aia tataro aika a aki ongotaeka nakon ana Tua.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Ioane 4:20

A tataromauri I-Tamaria ake ara bakatibu i aon te maunga aei; ao ngkami aika I-Iutaia kam taku b'a Ierutarem boni ngaia te tabo are a na tataromauri iai aomata.”

Te Tua-Kaua 11:29

Ngkana E tia te UEA ae Atuami ni buokingkami n taua te aba, ao kam na karaoa te bootaki ike kam na katanoata iai Ana kakab'aia te UEA man te Maunga are Keritim, ao Ana kamaraia man te maunga are Eeb'ara.

Te Tua-Kaua 11:30

Kam bon ataia b'a a mena maunga aika uoua aikai i maeaon te Karaanga are te Ioretan n te aba are e mena irouia kaain Kanaan ake a maeka ni M'aruan te Karaanga are te Ioretan. A mena maunga aikanne i maeaon te kawai i rarikin arokan More are tabu n iteran Kirekara are teuana.

Te Tua-Kaua 27:12

Ngkana kam a tia n ri nanon te Karaanga are te Ioretan, ao kam na nakon te Maunga are Keritim ao te Maunga are Eeb'ara. A na nako aon te Maunga are Keritim baronga aika Timeon, Rewi, Iuta, Itaakara, Eberaim, Manate, ao te baronga are Beniamin, ike a na kakab'aiaia iai Iteraera. Ao baronga ake Reuben, Kaata, Atera, Teburun, Taan, ao Nabetari a na waerakea te Maunga are Eeb'ara ao a na taetae ni katekebuaka mai iai.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Iotua 8:33

A tei aomatan Iteraera ma aia mataniwi ma aia b'akuaku, ao aia taani moti, n reitaki naba ma iruwa ake i buakoia. A tei aomatan Iteraera ni iteran te Atiniberita ake uoua ni kaaitaraia ibonga ake kanoan Rewi ake a uouota te Atiniberita. A tei aomata ake n te iterana ni bukin atuua te maunga are Keritim, ao ake tekorakina a bukin atuua te maunga are Eeb'ara. Bon aio ana taeka Moote ngkoa nakoia b'a a na karaoa te aro aei ngkana e a roko aia tai ni kakab'aiaki.

Tani Motiki-taeka 9:6

Ao a kaitibo taani kairiiri, ni ikotaki ma ibonga, ao ana aobitia te uea, n te aroka are i rarikin te b'a are tabu i Tekem b'a a na kauea Abimereka.

Tani Motiki-taeka 9:8

N te tai teuana a kakaea aia uea taian aroka akekei, ao a titirakina te oriwa ni kaangai, Ko na riki b'a ara uea?