Tani Motiki-taeka 9:4 - Te B'aib'ara

⁴ Ao a angan Abimereka 70 taiani m'akoro n tirewa man ana tembora antiia are B'aara Berita. Ao e kamanena te tirewa Abimereka ni kabooia te koraki n tautia teuana aika buakaka aika a tauraoi ni karaoi b'aai nako ti i bukin te m'aane.

Tani Motiki-taeka 9:4 ပူးပေါင်းရင်းမြစ်များ

2.Tamuera 6:20

Ao e okira mwengana Tawita b'a e aonga ni konaa ni buubutiia te UEA b'a e na kakab'aiaia ana utu. Ma e otinako Nei Mikara are natin Tauro te aine ao e a tatakarua nakoina ni kaangai, “Ko rangi ni kakannato n te bong aei! Ko karaoa aron te unim'aane ae e baareka, ni m'am'aie ni bebeekan i mataia am taan ni m'akuri aika ataeinaine.”

2.Rongorongo 13:7

Ao i mwiin rikin Reoboam b'a te uea, ngkoe ma akana a iririko akana akea manenaia, kam kaewenakoa Reoboam, are e bon rangi n raa ma n aki konai uotana ni katokiko.

Iobi 30:8

Te koraki n aomata aika akea araia, ao akea mwiia! A kakioaki nako man te aba.

Taeka n Rabakau 12:11

A m'aiti i aon ae e riai kanaia taani ununiki aika a m'akuri korakora, ao taani mimiiroaroa boni kaanga taian nanobaba aika a kabitaia.

Teb'ania 3:4

A akea onimakinaia burabeti, b'a a aki kakaonimaki: Ibonga a kabaarekai baike a tabu ao a minota ana tua te Atua nakon oin nanoia.

M'akuri 17:5

Ao a bakantang I-Iutaia, ma ngaia are a bobootiia aomata tabem'aang aika buakaka ake a roko n akea bongaia n te tabo ni m'akete, ao ngke a m'aiti aia koraki, ao a kakiriwea te kaawa. A ninia ma n urua ana auti Iaton n ukoukoria uakekei, b'a a na kaotiia nakoia aomata.

Tani Motiki-taeka 8:33

Ao i mwiin maten Kiteon, ao a manga tannako Iteraera mairoun te Atua. A katei bouanantin B'aara ao a taromauria B'aara Berita b'a atuaia.

Tani Motiki-taeka 9:27

Ao e a roko tain taian uaan te kureebe, ao a bane nako kaain Tekem nakon aia nne n aroka ni kureebe ma ni kiniki uaan aia kureebe. A katikui aia kureebe n te tabo ni kamanti kureebe, ao a nakonako i aoia ni katinakoi raniia i bukin karaoan te wain. Ao i mwiina, a nako n rin n temboran atuaia ao a karaoa te bootaki n am'arake ae korakora. Ao a m'aiti ake a am'arake ma ni mooi, ao a karereantia Abimereka.

1.Tamuera 22:2

E a raonaki irouia aomata aika iai rawaawatan nanoia ke a aika iai aia taarau ke aika iai te b'ai ae e aki rau nanoia iai, e kaaniia 400 te aomata aika a nakoina, ao e riki b'a aia tia kairiiri.