Tani Motiki-taeka 9:19 - Te B'aib'ara

¹⁹ Ma ngaia are, ngkami aika taan kairiiri mai Tekem, ngkana kam karaoa ae riai nakon Kiteon ma ana utu n aron are kam bon riai ni karaoia, ao I taku b'a kam na uaia ni kakukureingkami bon i marenami n tatabemani ngkami nako ma Abimereka.

Tani Motiki-taeka 9:19 ပူးပေါင်းရင်းမြစ်များ

Itaia 8:6

A tia aomata aikai n aki butim'aea ranin Tiroa aika a raanga ni karaurau ao a tia ni kukurei ni kaaina ana itera te Uea are Retin ao te Uea are Bika.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

Iakobo 4:16

Ma ngkai, kam kamoamoaingkami n ami kainikatonga. Kamoamoa ni kabane aika ai aron aikai a bane ni bubuaka.

Tani Motiki-taeka 6:32

Ao ni bon te bong naba arei, ao Ioati e a kab'aka naba aran Kiteon nakon Ierub'aara, ae nanona, “Te aomata are e urua baonikarean B'aara.” Ma ngaia are, ke e bon irataangana B'aara i bon i rouna.

Tani Motiki-taeka 9:20

Ma ngkana e aki riai are a tia ni karaoaki nakon Kiteon ma ana utu, ao I tataro b'a e na tiringingkami Abimereka n te ai, ao ngkami kam na karaoa naba anne nakoina.