Tani Motiki-taeka 8:5 - Te B'aib'ara

⁵ Ao e uakaan ma ngaiia te kaawa are Tukota, ma ngaia are, a nako iai ao a bubuti kanaia ni kaangai, Taiaoka karekea kanaia kaain ara taanga ni buaka. Ti a rangi ni kua, ma ti riai ni kakioia uean Miiria ake Teba ao Taremunna.

Tani Motiki-taeka 8:5 ပူးပေါင်းရင်းမြစ်များ

Karikani B'aai 14:18

Ao e uota te kariki ma te wain Merekitereka are uean Tarem nakon Aberam. Bon Ana ibonga naba te Atua ae Moan te Rietaata Merekitereka.

Karikani B'aai 33:17

Ao Iakob'a E nako nako Tukota, ao e katea ana auti ikekei ma katanaia ana nanai ni man aika kawakawa.

Taian Areru 60:6

E a tia n taetae te Atua man ana Tembora are Tabu ni kaangai, “N te tokanikai ao N na koro-m'akoroa aon Tekem ao N na tib'aa nako nanon te M'arua are Tukota nakoia au Botannaomata.

Te Tua-Kaua 23:4

E riki aei nakoia i bukina b'a ngke kam otinako mai Aikubita, ao a aki karekei kanami ma nimam, ao i rarikin anne, a kabooa naba B'araam b'a e na katekebuakaingkami.

Tani Motiki-taeka 5:23

Ao E taku Ana anera te UEA, “Ko na karokoa te maraia i aon te Kaawa are Meroti a rawa kaaina ni buoka te UEA ni buakaniia Ana kairiribai aika korakora.”

Tani Motiki-taeka 8:10

A mena Teba ma Taremunna i Karekora aika a mena iai 15,000 tautia. Bon nikiraia taangan tautian mainiku, b'a a tia ni mate 120,000 tautiana n te buaka.

Tani Motiki-taeka 8:12

ao a takakaa aia tai aia kairiribai. Ao a kataia ni birinako Teba ma Taremunna, ma a kaeaki iroun Kiteon ma n tauaki.

Tani Motiki-taeka 8:15

Ao e nako Kiteon nakoia aobitian te kaawa arei ao e taku, Ao aikai Teba ma Taremunna. Kam uringa ngkoa ngke kam kaenaenaai? Kam taku, Tiaki ataia b'a a na konaaki iroumi uean Miiria akanne ke a na aki. Ma ngaia are, e aera ngkai ti na kam'arakeia ami tautia aika a kua?

1.Tamuera 25:18

Ao e kawaekoaa Nei Abikaira ni karekei taiani kariki aika 200 m'aitina, uoua te baeki n ran aika kunin te man ae a onrake n te wain, niiman tiibu aika umunaki, 17 te kirokuraem te uita ae e tinimaki, 100 amwiin te kureebe ae a m'au, ao 200 te amwi ni biiku aika a m'au, ao e katokai i aon te aati.