Tani Motiki-taeka 8:4 - Te B'aib'ara

⁴ Ao ngke a tia Kiteon ma ana tautia ake 300 n kakioia kaain Miiria ni karokoa rokoia n te Karaanga are te Ioretan, ao a rootaki n te kua.

Tani Motiki-taeka 8:4 ပူးပေါင်းရင်းမြစ်များ

2.I-Korinto 4:16

Ma ngaia ae a aki b'ara nanora. B'a ngkana e tabe ni mamara aomatara ae i aora, ma e boni kakorakoraki aomatara ae i nanora n te bong ae koraki.

I-Karatia 6:9

Ma a na tai toki nanora ni kakaraoa ae e raoiroi, b'a ti a bon tai anai mwin ara m'akuri n te tai ae riai, ngkana a aki b'ara nanora.

Tani Motiki-taeka 7:25

ao a buoka naba kakioaia kaain Miiria i mainikun te Karaanga are te Ioretan. A taua Reeben ao Kameanti, ake taani kairiiri ake uoman mai Mirian. A tiringa Reeben n te b'a are buubura are e a manga ataaki n arana ae Ana B'a Reeben, ao a tiringa Kameanti i rarikin nnen maangen te wain. A uoti atuuia taani kairiiri ake mai Miiria tautian Eberaim nakon Kiteon.

Tani Motiki-taeka 8:3

Ao i rarikin anne, E a tia te UEA n rineingkami b'a kam na taua Reeben ma Kameanti. E bon tuai man reke irou te aekaki ni m'akuri anne. Ao ngke a bane ana taeka Kiteon, ao a rau nanoia m'aanen Eberaim, ao e a toki uniia.

1.Tamuera 30:10

Ao e reita nako kawaina Tawita ma rorobuaka ake 400; ao a kua ana rorobuaka ake 200 b'a a aki konaa n ri nanon te karaanga are e uarereke ma ngaia are, a tiku n iterana are teuana.

1.Tamuera 30:8

Ao e titirakina te UEA Tawita ni kaangai, “N na riai n rimwiia taan kurib'ai? Ao N na kauiaia?” Ao E kaeka ni kaangai, “Naako rimwiia; ko na kauiaia ao ko na kamaiuia taenikai.”