Tani Motiki-taeka 8:26 - Te B'aib'ara

²⁶ Ao bootan rawawatan taiani koora bon 40 te b'auna rawawataia. Ao i rarikin aikanne, ao iai naba taiani koora ake a reke man b'ainikatamaroan taiani kaamero ao man taian b'ai ni katamaroa naba ake a b'ab'aini uean Miiria. Ao e anai naba taiani niiniira aika uraro Kiteon.

Tani Motiki-taeka 8:26 ပူးပေါင်းရင်းမြစ်များ

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Taeka n Rabakau 31:22

E bon itutuu, ao a bane n tamaroa ana kunnikai aika e b'ain.

Itaia 3:18

Ngkana e roko te bong arei, ao N na uotii nako aia b'ai ni katikiraoi aika a rangi n tamaroa aine aikai ake a karin i waeia,

Ieremia 10:9

A karaoaki taian bouannanti irouia aomata. E korobanna te kai te tia korobanna. E amana kooran Ubati ke te tirewa mai Taretiti te tia m'akuri n te biti b'a rabunana. Ao i mwiina, e kunnikaiaki te bouannanti n te kunnikai ae e buru ma ni beebo.

Etekiera 27:7

A kamanenai taian rinen aika tamaroa taani kateitei mai Aikubita i bukin taian ie, b'a aonga ni konaa aomata nako n nooringkami. E kabonganaaki te kunnikai ae e buru ma ae e beebo i bukin kanuuan te teeke.

Ruka 16:19

Temanna te aomata ngkoa ae kaub'ai, ae e kunnikainna ni kunnikai aika bo buaka aika uraro ao a mainaina, ao e kukukurei n am'arake raoi n te bong ae koraki.

Ioane 19:2

A karaoa te bau ni kaai aika kateketeke tautia, ao a katokaa i aon atuna; ao a karina i aona te kunnikai ae uraro,

Ioane 19:5

Ma ngaia are, E oti nako Iesu ma ana bau are kateketeke i aon atuna, ao E kunnikaia n te kunnikai are ura-roo. Ao e taku Birato nakoia, “Noria, ao aio Teuaei!”

Te Kaotioti 17:4

Ao e kunnikaiaki te aine arei n te ura-roo ma te uraura, ao e katamaroaaki ni b'aai ni katamaroa aika koora ma atibu aika kakawaki ma moomi; ao iai te m'angko ae te koora i nanoni baina, ae te m'angko ae on ni baika riai ni bati n ribaaki, ma baika kammaira aika b'ain ana wene ni bure;

Te Kaotioti 18:12

kaako ake koora, ma tirewa, ma atibu aika kakawaki, ma moomi, ma kunnikai aika karaoaki man te kunnikai ae tamaroa ae te mainaina ae te rinen, ao man te kunnikai ae ura-roo, ma ae tirika, ma ae uraura; ao kaako naba aika kaai aika boiarara ni kabane, ma b'aai ni kabane aika karaoaki mani koroia ereb'anti, ao mani kaai nako aika rangi ni kakawaki, ao b'aai aika karaoaki mani buraati ma biiti ma atibu aika mabora;

Te Kaotioti 18:16

ao a na kaangai, “Ai kaawa ra, ai kaawa ra, te kaawa are kakannato, are kunnikaiaki n te rinen ae e raoiroi, ma te kunnikai ae ura-roo, ma ae uraura, are te kaawa are katamaroaaki n te koora ma atibu aika kakawaki ma moomi!

Tani Motiki-taeka 8:21

Ao a taku Teba ma Taremunna, Bon tiringiira ngkoe. Tai babakanataei. Ao e kibariia n tiringiia ni kauoman Kiteon. Ao e anai taiani b'aini katamaroa aika koora ake i roroaia kaamero.

Tani Motiki-taeka 8:25

Ao a taku tautian Iteraera, Eng, ti na anganiko taian taabia koora. Ao a taakina te niiniira i aon tano ao kaaki i aona taiani koora.

Tani Motiki-taeka 8:27

Ao e okira mwengana Kiteon i Obera ao e karaoa te bouananti man te koora, are a manga waakina taromauriana Iteraera. Ao e riki b'a te b'ai ni kam'ane nakon Kiteon ma ana utu n taromauria te bouananti. A bon tia n rangi ni konaaki buaka kaain Miiria n te aro are a bon aki manga reke korakoraia ni buakaniia Iteraera. Ma ngaia are, a tiku n rau Iteraera i nanon 40 te ririki i nanon ana tai ni maiu Kiteon.