Tani Motiki-taeka 8:24 - Te B'aib'ara

²⁴ Ma N na butingkami te b'ai teuana. Anganai b'aai ni kabane ake kam karekei mai rouia ami kairiribai. Bon kaain Itimaera ami kairiribai ngkoa, ake a kakabonakoi taian taabia aika koora.

Tani Motiki-taeka 8:24 ပူးပေါင်းရင်းမြစ်များ

Karikani B'aai 24:22

Ao ngke a bane raoi ana m'akuri neierei, ao e anaa te m'am'a te koora ae bobuaka Erietera, ao e katinea i b'airina, ao taian burenibai aika koora aika buubura i aon anganibaina.

Karikani B'aai 24:53

Ao e kaotinakoi ma n anga taian kunnikai ma tirewa, ao taiani koora aika tamaroa nakon Nei Rebeka. Ao e anga naba taiani b'aintangira aika bobuaka nakon m'anen Nei Rebeka ma tinana.

Karikani B'aai 25:12

Ao aikai kanoan Itimaera are natin Aberaam ma Nei Aka are ainen Aikubita are ana toro Nei Taara.

Karikani B'aai 25:13

A karinanaki raoi nakon aia ririki ni maiu: Neb'aiota, Keta, Atebeera, Mibetam,

Karikani B'aai 35:4

Ma ngaia are, a angan Iakob'a antiia ianena ni kabane ake i rouia, ao taian ruberube ake i taningaia. Ao e tauni i aan te Oke are i rarikin Tekem.

Karikani B'aai 37:25

Ao ngke a tabe n am'arake, ao a nooriia tibun Itimaera aika m'ananga mai Kireata nako Aikubita, aika onrake aia kamero n taian boiarara ma taiani kanim.

Karikani B'aai 37:28

Ao ngke a manga m'ananga I-Miria i rarikiia, ao a katikaarake Ioteb'a mai nanon te m'anib'a ma ni kabooa nako n te bo ae uabwi te m'akoro n tirewa nakoia tibun Itimaera, ao a uotia nako tibun Itimaera nako Aikubita.

1.Uea 20:11

Ao e taku Aaba, “Benatata, ko na aki kamoamoako i m'aain te bonibuaka. Ti na mataku ngkana ko na teimatoa ni maiu ni karokoa tokin te buaka.”

Te Otinako 12:35

A karaoi b'aai ni kabane ake a tuangaki Iteraera iroun Moote, ao a buubutiia kaain Aikubita te koora ma te tirewa ao taiani kunnikai ni katamaroa.

Te Otinako 32:3

Ao a bane aomata ni buuti aia taabia aomata nako ao a uoti nakon Aaron,

Te Otinako 32:4

ao i mwiina, e kaburoi ni karanii ao e karaoi nakon bannan te kao te ataei. Ao a taku aomata, temanna nakon temanna, “Bon aei te atua are e kaotinakoira mai Aikubita!”

Te Otinako 32:8

A tia ni kaman katoka ongotaekaia i Rou: a tia ni karaoa aia bouannanti ae bannan te kao te ataei. A bobaraaki nako ina, ao a angakarea nako ina, ao a taku b'a te anti arei are e kaotinakoia mai Aikubita.

Etekiera 7:20

Kam na rangi ni kainikatonga ni kamanenaakin ami b'ai ni katamaroa ni karaoa iai te bouannanti i bukin antiia ianena aika a rangi n ribaaki. Ma ngaia ae, N na karika ami b'ai ni katamaroa b'a baika a akea manenaia.

Tani Motiki-taeka 8:25

Ao a taku tautian Iteraera, Eng, ti na anganiko taian taabia koora. Ao a taakina te niiniira i aon tano ao kaaki i aona taiani koora.

1.Tamuera 25:11

I aki kan anaa au kariki ma te ran, ao maan ake I tiring i bukiia au taan koroburae n tiibu, ao n anga nakoia aomata aika I aki ata te tabo ae a nako mai iai!”