Tani Motiki-taeka 7:22 - Te B'aib'ara

²² Ao ngke a karaoa aei, ao te UEA e karikiia aia kairiribai b'a a na buutii aia kabaang i boni irouia ma ni buakaniia i boni irouia. Ao a kataia ni birinako aia kairiribai man aia kaemb'a. Ao a biri nakoni Kaawan Te Aroka are Te Aketia, nako Terera, ni karokoa mataniwiin te aba are abaia kaain te kaawa are Abera Meora are i rarikin Tabata.

Tani Motiki-taeka 7:22 ပူးပေါင်းရင်းမြစ်များ

1.Uea 19:16

Ao i mwiina, rinea Ieu are natin Nimti b'a e na uea i aon Iteraera, ao Eritai are natin Tiabata b'a e na onea mwiim ni burabeti.

1.Uea 4:12

Baana are natin Airuta te m'aane are e tararuai kaawa ake i Taanaka ao Mekito. E tararua naba te aba are i Beta-Tean ni bane are i rarikin te kaawa are Taretan, are i meangin Ietireera, mai Beta-Tean nako Abera-Meora nakon iteran Iokemeam are teuana.

2.Rongorongo 20:23

Ma ngaia are, a teirake aia taanga ni buaka kaain Ammon ao Moaba ni buakaniia ake kaain Etom ma ni kamaunaiia ni kabane. Ao i mwiina, a manga rairakiia i bon irouia ma ni buaka ni karokoa a bon bane ni mate kaain te maeka arei!

Taian Areru 83:9

Karaoa nakoia te baere Ko karaoia nakoia I-Mirian, ma nakon Titera ma Iabin, n te karaanga are Kiton.

Itaia 19:2

“N na katuaaea Aikubita n taiani buaka n nanoaa ane a na buaka i bon irouia aaba ma ake i rarikiia, kaawa ma kaawa, ao taian abanuea n tatabeua nako.

Itaia 9:3

Ara UEA, ko a tia ni kakorakoraia am botannaomata. E reke mairoum kukureia ao karaoan aia bootaki ni kukurei kaaina kaanga taani m'akuri n tain te tai ke kaanga tautia aika a tib'ai b'aai ake a tia n reke irouia.

Itaia 9:4

Ko a tia n urua m'aakaia koraki ake a kabuakakaia ao a tautoroniia am Aomata. Ko a tia ni kamaiua n ai aron are ngke ko kamaiuia am Aomata mairouia kaain Miria.

Etekiera 38:21

N na kariaia maungan Iteraera b'a a na kaaitarako. A na rangi ni maaku am taanga ni buaka n te aro ae a na manga bon buaka i bon irouia.

Ab'akuka 3:14

Ko ewara te mataniwi n te taanga ni buaka ni kanoan am kainikatebe Ngkana e roko ni kamaenakoira n ai aron rokon te ang ae korakora, ni kamoamoa n ai aroia ake a karabaia ni karawawataia aika kainano.

Akai 2:22

ma ni kamaunai taiani uea ao abanuea. N na karanganakoi kaanibuaka, ao ane a na moana tiringakiia i bon irouia tautia ake taan toka i aoia aoti.

Tekaria 14:13

E na karangirangiia te UEA ao a na manga buaka i bon irouia,

2.I-Korinto 4:7

Ma iai i roura ngaira aika ai aroia m'angko taano, te b'ai ae kakawaki aei, b'a e aonga n ataaki b'a te m'aka ae korakora boni m'aakan te Atua, ao tiaki m'akara.

Iotua 3:16

ao e a rina naba n toki raangan te ran, ao a ikoikotaki n te iterana ni karokoa te kaawa are Atam are i rarikin Taretan. Ao e a bon toki raangan te karaanga rikaaki ni karokoa taari are mate, ao a kona aomata n roko i Ieriko.

Iotua 6:16

Ngke a nang katanga aia buu ibonga n aia kaitiua n tai ni katobibi, ao e a anga ana taeka Iotua nakoia aomata b'a a na takaarua, ao e taku, “E anganingkami ngkai te kaawa aei te UEA!

Iotua 6:20

Ma ngaia are a katanga aia buu ibonga, ao a takaarua aomata ni kanenei b'anaaia, ao e rina ni b'aka oon te kaawa ni katab'aninna, ao a bane ni m'ananga ana taanga ni buaka Iotua n tam'arakea te tabuki are e tei iai te kaawa, n niniia ma n taua.

Iotua 6:4

Itiman ibonga aika a na uouota kakateuana te buu i aoia, ao a na rimoan te Atiniberita. Ko na nakonako ni katobibia Ieriko itiua te tai n te kaitibong, ngkoe ma am tautia, ao ibonga, a na katang aia buu i nanon tain te nakonako.

1.Tamuera 18:19

Ma ngke a roko ana tai Tawita n iein ma natin Tauro te aine, ao Tauro e tuanga natina te aine b'a e na iein ma Ateriera are kaain te kaawa are Meorata.