Tani Motiki-taeka 7:21 - Te B'aib'ara

²¹ Ao a ientaka aia tautia aia kairiribai, ao a iangoa birinakoia. Ao ana koraki Kiteon a bon tiku ni nneia ni katobibia aia maeka aia kairiribai, ma ni manga katangi riki aia bu.

Tani Motiki-taeka 7:21 ပူးပေါင်းရင်းမြစ်များ

1.Uea 20:20

ao a buaka ngaiia ni kabaneia man tiringiia tautia ake aia kairiribai. Ao nikiraia tautian Turia a rairaki man birinako, ao a rimwiaki nako irouia Iteraera. Ao Benatata ma tabeman a birinako i aon taian aoti,

2.Rongorongo 20:15

Ao e taku Iaatiera: Teuae ko karineaki, ao kaain Iuta ma Ierutarem ni kabane, e taku te UEA b'a kam na aki riai ni maaku, ke ni b'arannano n te taanga ni buaka ane e korakora anne. E na buaka te UEA man ami itera!

2.Rongorongo 20:17

Kam na aki buaka. Kam na ti tei ni nnemi ma ni mataku ngkana E kamaiungkami te UEA mairouia ami kairiribai. Kam na aki maaku. Kam na ti karaoa ae kam tuangaki. Ao ngkana kam m'aati n ingabong, ao e na raoni ngkami te UEA ikekei.

Te Otinako 14:25

E kabae wiiran aia kanibuaka, n te aro are a baenikai. Ao a taku kaain Aikubita, “E a buaka te UEA i bukiia Iteraera ni kaitaraira. Ti a kawaekoaira n nako mai ikai!”

Taeka n Rabakau 28:1

A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

Itaia 30:15

E a tia n tuangiira ni kabane te UEA ae E tabu ae Atuaia Iteraera ni kaangai, “N na kaawakiningkami ngkana kam oki Nakoiu ma ni karau nanomi. N na manga kakorakoraingkami ngkana kam nanoraoi n onimakinai.” Ma i mwiina kam a manga bonotaninga

Itaia 30:7

E aki konaa ni buokiko Aikubita! Ao bon anne bukina ae I arana te botannaomata anne b'a te manni kaakang ae akea ana i buobuoki.”

Ebera 11:34

a katoka korakoran uran te ai, a rawei maiuia man te tiringaki n te kabaang, a kakorakoraki ngkana a mamara, a riki n ninikoria n te buaka, ao a katae aia kai aia taanga n tautia I-anena;

Tani Motiki-taeka 7:20

ao a karaoa naba aron aei koraki ake uakoraki. A bane n taui aia taura ni baiia te angamaing, ao aia bu ni baiia are te angaatai, ao a takaarua ni kaangai, “Ana kabaang te UEA ma Kiteon!”