Tani Motiki-taeka 7:20 - Te B'aib'ara

²⁰ ao a karaoa naba aron aei koraki ake uakoraki. A bane n taui aia taura ni baiia te angamaing, ao aia bu ni baiia are te angaatai, ao a takaarua ni kaangai, “Ana kabaang te UEA ma Kiteon!”

Tani Motiki-taeka 7:20 ပူးပေါင်းရင်းမြစ်များ

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Ieremia 47:6

Kam na tang n takaarua ni kaangai, ‘Ana kabaang te UEA! Ai ti maanra ngkoe ni korokoro? Naako okira nnem, tiiku ikekei ao motirawa!’

1.I-Korinto 15:52

n te tai ae moan te waekoa, n te rube ni mata, n tangin te kabanea ni bu. B'a ane e na tangi te bu, ao a na manga kamaiuaki maate n aki kona ni mka, ao ti na onikaki.

2.I-Korinto 4:7

Ma iai i roura ngaira aika ai aroia m'angko taano, te b'ai ae kakawaki aei, b'a e aonga n ataaki b'a te m'aka ae korakora boni m'aakan te Atua, ao tiaki m'akara.

1.I-Tetaronike 4:16

B'a ane E na ruo te Uea mai karawa ma te b'anaa ae takarua n taetae, ma b'anaan te anera ae kakannato, ma tangin ana bu te Atua. Ao a na manga uti moa ake a mate ake a onimakina Kristo,

Ebera 11:4

I bukin ana onimaki Abera, ao e angan te Atua te karea ae raoiroi riki nakon ana karea Kain; ao i bukin ana onimaki ao E kukurei te Atua i rouna ngkai e karaoa nanona; ao e boni ngae ni mate Abera, ma e teimatoa n taetae ana onimaki i bukina.

Iotua 6:16

Ngke a nang katanga aia buu ibonga n aia kaitiua n tai ni katobibi, ao e a anga ana taeka Iotua nakoia aomata b'a a na takaarua, ao e taku, “E anganingkami ngkai te kaawa aei te UEA!

Iotua 6:20

Ma ngaia are a katanga aia buu ibonga, ao a takaarua aomata ni kanenei b'anaaia, ao e rina ni b'aka oon te kaawa ni katab'aninna, ao a bane ni m'ananga ana taanga ni buaka Iotua n tam'arakea te tabuki are e tei iai te kaawa, n niniia ma n taua.

Iotua 6:4

Itiman ibonga aika a na uouota kakateuana te buu i aoia, ao a na rimoan te Atiniberita. Ko na nakonako ni katobibia Ieriko itiua te tai n te kaitibong, ngkoe ma am tautia, ao ibonga, a na katang aia buu i nanon tain te nakonako.

2.Betero 1:15

Ao N na kataa au kabanea ni kona ni karekea te anga are kam na kona iai n ururing baikai n taai nako i mwini mateu.

Tani Motiki-taeka 7:19

Ao a roko ana taanga ni buaka Kiteon i rarikin aia kaemb'a aia kairiribai tabeua te aoa i mwiin te roo, bon i mwiin naba rokoia tautia tabeman ake aia kairiribai ake a na manga tei. Ao a katanga aia bu Kiteon ma ana koraki, ao a urui taian tiaeki ake kaatiibu, ake a karabaaki taian taura i nanoia,

Tani Motiki-taeka 7:21

Ao a ientaka aia tautia aia kairiribai, ao a iangoa birinakoia. Ao ana koraki Kiteon a bon tiku ni nneia ni katobibia aia maeka aia kairiribai, ma ni manga katangi riki aia bu.

1.Tamuera 11:11

Ao n te bong are i mwiina, e bwenaua te taanga ni buaka Tauro nakon tenua te m'akoro ao ni buakaniia i m'aain otin taai. A waakina tiringakiia kaain Ammon, ao a waakinna ni karokoa mwiin te tawanou. A iangoa birinakoia tabeman kaain Ammon, ma a rangi ni uamaaenako n tatabemaniia nako.