Tani Motiki-taeka 7:14 - Te B'aib'ara

¹⁴ Ao e taku te tautia are raona, “Nanon miim anne, bon taekani Kiteon, are te kam'aanta irouia Iteraera. E na kairaki iroun te UEA ma ana taanga ni buaka ni kataenikaiia tautian Miiria ma kaain ara kaemb'a aei ni kabane.”

Tani Motiki-taeka 7:14 ပူးပေါင်းရင်းမြစ်များ

Iobi 1:10

Ko aki toki ni kakawakinna ma ana utu ni kabane. Ko kakab'aiai b'aai ni kabane ake e karaoi, ao ko anganna ana kao aika m'aiti ni kaona te aba ae b'anin.

Warekaia Iteraera 22:38

Ao e taku B'araam “Ao ae I a roko ngkai, ma N na bon ti taekin baike E tuangai te UEA b'a N na taekin.”

Warekaia Iteraera 23:20

Akea riki te b'ai ae I kona ni karaoia i rarikin mwiokoau mai Rouna are te kakab'aiaia aomata aikai. I aki kona ni bita te b'ai are a tia ni karaoia.

Warekaia Iteraera 23:5

Ao E anga te rongorongo te UEA nakoni B'araam ao E a manga kaokia nakon B'araka.

Iotua 2:24

ao a kaangai, “Ti kakoauaa b'a E a tia n anganiira te aba arei te UEA ni kabane, b'a a bane ni makuira kain te tabo arei.”

Iotua 2:9

ao e taku nakoia, “I ataia b'a e a tia n anganingkami te UEA te aba aei. A bane ni maakui ngkami kaain te aba aei.

Iotua 5:1

Ao a ongo aia uea kaain Amora ni kabane ake i maeaon te Ioretan, ma aia uea naba kaain Kanaan ni kabane ake i mataniwiin taari are te Mereterenian, b'a E kaoraa te Ioretan te UEA i bukin karokoaia Ana aomata ni iterana, ao a bane ni maaku ma ni biu nanoia i rouia kanoan Iteraera.

Tani Motiki-taeka 3:28

Ao a bane ni bootaki Iteraera, ao e takaarua ni kaangai, “Kam na irai, ao E na buokingkami te UEA ni kataenikaia kaain Moaaba.” Ao a ira Euta Iteraera nakon te karaanga are te Ioretan, ao a taui taabo ake a riri nanon te Ioretan iai aomata are te kawai nako Moaaba. A bon tuukia aomata b'a akea ae na ri nanona,

Tani Motiki-taeka 7:13

Ao e ongo ana taeka temanna te tautia ngke e karakina miina nakon raona n tautia ae kaangai, “I miia teuana te kariki are karaoaki man te b'aare ae rabinobino n roko nakon ara kaemb'a. E orea te autinrianna are nneia ara mataniwi, ao e ranganako te autinrianna ao e b'aka.”

Tani Motiki-taeka 7:15

Ao ngke e ongo Kiteon taekan te mii arei ma nanona, ao e bobaraaki n neboa te Atua. Ao i mwiina, e okira aia kaemb'a Iteraera ao e takaarua ni kaangai, “Ti a nako, E na katokanikaira te UEA i aon aia taanga ni buaka kaain Miiria.”

1.Tamuera 14:12

Ao i mwiina, a takaarua nakon Ionatan ma ana tautia ni kaangai, “Tam'arake ikai, b'a iai te b'ai ae ti na tuangngkami!”