Tani Motiki-taeka 7:12 - Te B'aib'ara

¹² E bon rangi ni korakora te maeka arei. A kaona te m'arua arei kaanga te taanga n rookati kaain Miiria, Amareka, ao botannaomata ake i mainiku. Tao e beebete riki warekan te tano are i mataniwiin te bike nakon warekan aia kaamero.

Tani Motiki-taeka 7:12 ပူးပေါင်းရင်းမြစ်များ

1.Uea 20:27

Ao a katauraoia naba Iteraera nakon te buaka. Ao a otinako ni butim'aia kaain Turia, ao a kaai n katei autinrianna taanga ni buaka aika uoua aikai ni kaaitara i bon irouia. A kaona te tabo arei kaain Turia, ao Iteraera kaanga taraaia nanai n kooti aika a uarereke aika uananai.

1.Uea 4:30

E wanawana riki Toromon nakoia aomata nako n te aonnaba, ao nakoia naba taan rabakau ake i mainiku ao ake i Aikubita.

Taian Areru 3:1

Te UEA, ai batiraa aiau. A bati akana teirake n eekainako,

Taian Areru 33:16

E aki tokanikai te uea i bukina b'a e korakora ana taanga ni buaka; Ao e aki tokanikai te tautia i bukini korakorana.

Ieremia 46:23

ma ni kamaunaa te buakonikai ae e matenten

Iotua 11:4

Ao a roko ma aia tautia ni kabane, ao bon te taanga ni buaka ae moan te korakora ae ai aron m'aitin tanon biken mataniwiin taari. Ao a uoti naba aia aoti ma aia kaa ni buaka aika a m'aiti.

Tani Motiki-taeka 6:3

Ni katoa te tai are a ribanai arokaia iai Iteraera, ao a aki toki n roko kaain Miiria ni buakaniia ma kaain Amareka ao botannaomata ake i mainiku.

Tani Motiki-taeka 6:33

Ao a bane ni bootaki kaain Miiria, Amareka, ao botannaomata ake i mainiku, ao a ri nanon te Karaanga are te Ioretan. Ao i mwiina, a buakana abaia Iteraera, ao a katea aia maeka n te M'arua are Ietireera.

Tani Motiki-taeka 7:13

Ao e ongo ana taeka temanna te tautia ngke e karakina miina nakon raona n tautia ae kaangai, “I miia teuana te kariki are karaoaki man te b'aare ae rabinobino n roko nakon ara kaemb'a. E orea te autinrianna are nneia ara mataniwi, ao e ranganako te autinrianna ao e b'aka.”

Tani Motiki-taeka 8:10

A mena Teba ma Taremunna i Karekora aika a mena iai 15,000 tautia. Bon nikiraia taangan tautian mainiku, b'a a tia ni mate 120,000 tautiana n te buaka.

1.Tamuera 13:5

Ao a bootia aia taanga ni buaka kaain Biritia b'a a na buakaniia Iteraera. M'aitin aia kanibuaka bon 3,000 6,000 taani buaka i aoia aoti, ao a rangi ni m'aiti aia tautia ake a nakonako i aon waeia kaanga ai aron m'aitin tanon te bike. A nako Mikemati ao a katea aia kaemb'a i Beta Awen.

1.Tamuera 30:17

Ao n te kiriangaina n te bong are i mwiina, ao E a bon buakaniia naba Tawita ni karokoa e bong. Bon akea ae reke biri nakona, ma ti 400 ataeinim'aane ake a toka i aon taiani kamero ma ni bo nako.