Tani Motiki-taeka 7:11 - Te B'aib'ara

¹¹ Ao ngkana kam ongo aia taeka kaain Miiria, ao ane kam na aki maaku.” Ao a nako Kiteon ma Bura nakon aia maeka kaain Miiria, nakon te tabo ike a tei iai tautia.

Tani Motiki-taeka 7:11 ပူးပေါင်းရင်းမြစ်များ

Karikani B'aai 24:14

N na taetae nakon temanna mai buakoia ni kaangai, ‘Taiaoka, anganai am tiaeki n ran b'a N na mooi iai teutana.’ Ao ngkana e kaangai, ‘Moi, ao N na kamooia naba am kamero,’ ao tera ngke ngaia anne te aine ae Ko a tia n rineia i bukin am toro are Itaaka. Ngkana e riki aio, ao I ataia ngkanne b'a Ko bon kakoroa bukin am Berita ma au toka.”

Etira 6:22

A kauringa te Toa are te Kariki ae Aki Karikaki i nanon itiua te bong. A bane ni kukurei aomata i bukina ngke e a tia te UEA ae Atuaia aomatan Iteraera ni kabobongaa raoi nanon uean Aturia b'a e boni karaoa te m'akuri n akoi ma ni buokiia ni karaoa te Tembora.

Neemia 6:9

A kataia ara kairiribai ni kakamaakuira ma ni kataia ni katokiira man ara m'akuri. Ma I buubutiia te Atua b'a e na anganai te korakora.

Te Otinako 13:18

Ma ngaia are, e a onea mwiina ni kairiia n te kawai ae ab'ab'aki are ribuki ri nanon te rereua ni kaineta Taari are Uraura. A kiitana Aikubita Iteraera, ni katauraoia nakon te buaka.

I-Ebeto 3:16

b'a E na anganingkami mani kaub'ain arona aika kamimii, te m'aaka iroun Tamneina b'a kam aonga ni kakorakoraki n nanomi;

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

I-Biribi 4:13

I konai b'aai ni kabane ni kaitarai iroun Teuare kakorakoraai.

Tani Motiki-taeka 7:10

ma ngkana kam boni maaku naba ni buakaniia, ao ko na nako ma am toro are Bura nakon aia kaemb'a n te aro ae kam na aki nooraki.

1.Tamuera 14:12

Ao i mwiina, a takaarua nakon Ionatan ma ana tautia ni kaangai, “Tam'arake ikai, b'a iai te b'ai ae ti na tuangngkami!”

1.Tamuera 23:16

E m'ananga Ionatan ni kawaria ikekei ao e kakorakoraa i aan ana kakawakin te Atua,

1.Tamuera 26:6

Ao e titirakina Aimereka are kaain Eta, ao Abitiai are tarin Ioaba (Tinaia bon Nei Teruia), ao e taku nakoia, “Antai mairoumi ae e na irai nakon ana kaemb'a Tauro?” Ao e kaeka Abitiai ni kaangai, “N na iriko.”