Tani Motiki-taeka 6:4 - Te B'aib'ara

^4-5 A roko i aon aia kaamero, ma ni katei aia autinrianna, ao a kam'arakeia aia man n arokaia Iteraera maikanne ni karokoa te kaawa are Kaata. A iraei taian am'arake kaain Miiria, n reitaki ma taian tiibu, taiani kao, ao taian aati. A aki kona ni warekaki m'aitiia b'a kaanga ai aroia taian taanga n rookati, A tiringi arokan aaba ake a mena i m'aain kawaia.

Tani Motiki-taeka 6:4 ပူးပေါင်းရင်းမြစ်များ

Karikani B'aai 10:19

ni karokoa e roko tian Kanaan i Titon are nakoiang nako Kera i rarikin Kaata, ao ni waerake naba nako Tootom, Komora, Atema, ao Teboiim i rarikin Ratia.

Karikani B'aai 13:10

Ao e taratara nako Roota, ao e noora te aba are ni m'aruan Ioretan nako Tooa b'a e m'aiti te ran iai kaanga ai aron nnen arokan te UEA.

Taeka n Rabakau 28:3

Ngkana e a manga onomwi te aomata ae e maiu ni kainano mani kairiia aika a maiu ni kainano ni karawaawataia, ao bon kaanga ai aron te karau ae e korakora ae e uruan aron uitan te tawaana.

Ieremia 5:17

A na kana uaan arokami ma ami nanai ni man te botannaomata aei A na bon aki katuka te uaa teuana i aon ami kureebe ke arokami. E ngae ngke kam mano i akuun ami nono aika a matenten, ma e na bon uruaki naba ami kaawa nako ao a na bon tiringaki naba natimi.

Nakoaia Ibonga 26:16

N na katuuaingkami korakora, ao kam na uruaki. Kam na aoraki n te aoraki ae e aki kona ni katokaki, ao te biiua ae e na karika te matakii ma te rawaawata. A na kang uaan arokami ami kairiribai,

Ob'aria 1:5

“Ngkana a roko taan iraa n te bong, ao a na bon tii anai baike a tangiri. Ngkana a kiniki uaan kureebe aomata, ao a na bon tiku naba tabeua uaan te kureebe. Ma ngkana a roko ami kairiribai ao a na bon kamatei ngkami ni kabane.

Mika 6:15

Ko na unika te uita, ma ko na bon aki taiia uaana. Ko na ongira te b'aa man te oriwa, ma ko na bon aki kamanenaa. Ko na karaoa te wain, ma ko na bon aki mooi iai.

Te Tua-Kaua 28:33

Ane kam na m'akuri korakora n ami nne n aroka, ma b'aai ni kabane akana kam taii a na manga kanaki ni kabane irouia i anena, ake a na karaoa ae aki raoiroi ao n taekini taeka aika rangi ni buakaka.

Te Tua-Kaua 28:51

A na anai ami kao, tiibu, kooti, uita, wain, ao b'aan te oriwa, ao ma ni katikuingkami b'a kam na mate ni baki.

Tani Motiki-taeka 6:3

Ni katoa te tai are a ribanai arokaia iai Iteraera, ao a aki toki n roko kaain Miiria ni buakaniia ma kaain Amareka ao botannaomata ake i mainiku.