Tani Motiki-taeka 6:34 - Te B'aib'ara

³⁴ Ao E ninia Kiteon tamnein te UEA, ao e katanga te kanikina Kiteon n te bu n tuangiia kaain te kaainga are Abietera b'a a na iria.

Tani Motiki-taeka 6:34 ပူးပေါင်းရင်းမြစ်များ

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

1.Rongorongo 12:19

Taani buaka tabeman man te baronga are Manate a nako n raona Tawita. A tia n ira Tawita ngke e buaka ngkoa man aia itera kaain Biritia ni kaaitaraa te uea are Tauro. Ma ni bon te tai are a ataia iai kaain Biritia b'a e na kona ni manga buakaniia man raona Tauro, ao a kanakoa nakon te kaawa are Tikeraka.

2.Rongorongo 24:20

E taetae te Atua nakon te burabeti are Tekaria are natin Ieoiata are te ibonga, ao e tuangiia aomata ni kabane Tekaria ana taeka te Atua ae e kaangai, “E aera ngkai kam aki ongotaeka irou ao nakon au tua nako? Kam a tia ni tannako mairou.” E na karekea te katuaaeaki te b'ai aei, ma ngaia ae ngkai N nang tinanikuingkami.”

Taian Areru 51:11

Tai kanakoai mai matam, Ao tai kaira nako Tamneim ae Raoiroi mairou.

Warekaia Iteraera 10:3

Ngkana a katangaki uaai taiani buu, ao a na bane aomata ni botaki ma ngkoe i mataroan te Um'antabunrianna.

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

I-Karatia 3:27

B'a ngkami ni kabaneingkami akana kam b'abetitoaki nako nanoni Kristo, kam a karina Kristo i aomi b'a kanga ai aron te kunnikai.

Iotua 17:2

Ao aaba ake i maeaon te karaanga are te Ioretan a bane n nakoia nikiran utuun te baronga are Manate: Abietera, Ereka, Atiriera, Tekem, Ebera, ao Temita. Bon aikai kanoan Manate are natin Ioteb'a, ao bon mataniwiin naba aia utu.

Tani Motiki-taeka 13:25

Ao ngke e mena Tamton n ana kaemb'a Taan are i marenan te kaawa are Tora ma Etitaora, ao e niniaki n Tamnein te UEA.

Tani Motiki-taeka 14:19

Ao E ninia Tamton Tamnein te Atua. Ao e nako Tamton nakon te kaawa are Atikeron, ao e tiringiia iai 30 te rorobuaka ao e anai aia kunnikai. Ao i mwiina, e a manga angania rorobuaka ake 30 ake i Timna, ao e okira ana utu ma te maraki n nano ae korakora.

Tani Motiki-taeka 15:14

Ao a kabaea ni uaai taian roobu aika a rangi ni boou, ao a uotia nako man B'an Etam.

Tani Motiki-taeka 3:10

Ao E ninia Oteniera Tamnein te UEA, ao e kairiia Iteraera nakon te buaka ni kaaitaraa Kutian Ritiataim. Ao E anga te tokanikai te UEA nakon Oteniera,

Tani Motiki-taeka 3:27

n aaba ake a tabukibuki i Eberaim, ao e katanga te bu are te kanikina.

Tani Motiki-taeka 6:11

Ao n te tai teuana, te UEA e kanakoa ana Anera nakon te kaawa are Obera, ao e tekateka te anera arei i aan te aroka ae buubura are arokan Ioati, are kaain te kaainga are Abietera. Ao e tabe n oroi kunin ana uita Kiteon n te m'anono ae kaan ma te anera arei, n te tabo ae aki kona n nooraki iai irouia kaain Miiria.

Tani Motiki-taeka 8:2

Ao e taku Kiteon: Kam na aki kab'arai nanomi. E ngae ngke kam a tib'a roko, ma e buubura riki are kam a tia ni karaoia nakon are I karaoia. Bon ti te bo ma tain te tai i bukin te kureebe: A rangi n raoiroi riki aia kureebe ami baronga ake a aki tabe ma kinikakin uaaia nakon raraoin kureeben ara utu ake a uniki.

1.Tamuera 10:6

Ao ane na niningkami Tamnein te UEA. Ao kam na riki b'a aomata ngkami aika kam kaokoro, ao ane kam na taetae ni burabeti ma ngaiia.

1.Tamuera 11:6

Ao E karina n niniia Tauro Tamnein te Atua ao E karika te un ae korakora i nanona.

1.Tamuera 13:3

Ao Ionatan, e kaira buakanakin aia kaemb'a tautian Biritia i Keeb'a Ao e mauna nako aia kaemb'a kaain Biritia, ao a ongo kain Biritia ake te korakina rongorongon te b'ai are riki. Ma ngaia are, e tuangiia ana taan uarongorongo Tauro ni kaangai, “Naako kawari kaawa ni kabane i aon abara. Ao aanga te kanikina n te bu, ao ngkana a bane n roko aomata ao tuangiia b'aai ake a tia n riki.”

1.Tamuera 16:14

E a tia Tamnein te UEA ni kiitana Tauro, ao e nako te tamnei ae buakaka mairoun te UEA ni kakamaakua.