Tani Motiki-taeka 6:30 - Te B'aib'ara

³⁰ Ao a m'ananga m'aanen te kaawa arei nakon Ioati ao a taku, “E a tia natim are Kiteon n urua baonikareani B'aara, ao e koroi baangota ake i rarikina. Ko na anganiira natim anne b'a ti na tiringnga.”

Tani Motiki-taeka 6:30 ပူးပေါင်းရင်းမြစ်များ

Ieremia 26:11

Ao ngke a tabe n ongora, ao a roko ibonga ma burabeti ao a taku, “Kam bon bane n ongo ana taetae ni burabeti Ieremia ngke e taku b'a e na uruaki Ierutarem. E bon riai tiringakina.”

Ieremia 50:38

Ane a na mautakataka ami karaanga ma ami kanare nako. A na bane n riki baikai, i bukina b'a e onrake abami n taian bouananti, ao a tia ni kaburababaingkami.

Ioane 16:2

Ane kam na tukaki b'a kam na aki manga roko ni m'aneabaia I-Iutaia, ao e na roko te aoa are e na taku iai ane kamateingkami b'a ngke e karaoa aei, ao e karaoia i bukin neboan te Atua.

M'akuri 26:9

Ao ngai, n taai ake rimoa, ao I iangoia i bon i rou, b'a N na karaoa ae I kona n eekaanako aran Iesu are te I-Natareta.

I-Biribi 3:6

n reitaki ma nanou n tauaninne ngkoa i bukin te Atua, ao I b'ainikirina te ekaretia; ao n reitaki ma karaoan nanon te Atua are taekinaki n te Tua, ao I iri nanoia ni kabane.

Tani Motiki-taeka 6:29

Ao a taku, “Antai ae kona ni karaoa te m'akuri aei?” Ao a bon titiraki i bon irouia ni karokoa e a kaangai temanna mai buakoia, “Bon ana m'akuri teuare Kiteon are natin Ioati.”

Tani Motiki-taeka 6:31

Ao a keekeerake aomata, ao e a taku naba Ioati, “Kam kataia n irataangan B'aara? Kam na kamaiua B'aara? B'a ngkana ngkami, ao kam na bon tiringaki ni kaarangainan te ingabong. Ngkana bon te atua B'aara, ao ke e bon irataangana i boni i rouna ni kamatea te aomata are urua ana baonikarea.”