Tani Motiki-taeka 6:3 - Te B'aib'ara

³ Ni katoa te tai are a ribanai arokaia iai Iteraera, ao a aki toki n roko kaain Miiria ni buakaniia ma kaain Amareka ao botannaomata ake i mainiku.

Tani Motiki-taeka 6:3 ပူးပေါင်းရင်းမြစ်များ

Karikani B'aai 25:6

Ma ngke e boni maiu, ao e anga naba taiani b'ai n tangira nakoia natina mm'aane ma buuna ni kewe ake tabeman. Ao e kanakoia natina mm'aane aikai nakon aaba ake i mainiku, ni kararoaia ma natina te mm'aane are Itaaka.

Karikani B'aai 29:1

Ao e toua nako kawaina Iakob'a nakon aba ake i mainiku.

1.Uea 20:27

Ao a katauraoia naba Iteraera nakon te buaka. Ao a otinako ni butim'aia kaain Turia, ao a kaai n katei autinrianna taanga ni buaka aika uoua aikai ni kaaitara i bon irouia. A kaona te tabo arei kaain Turia, ao Iteraera kaanga taraaia nanai n kooti aika a uarereke aika uananai.

1.Uea 4:30

E wanawana riki Toromon nakoia aomata nako n te aonnaba, ao nakoia naba taan rabakau ake i mainiku ao ake i Aikubita.

1.Uea 5:10

Ao Iram e anga taian tiira ma taiani m'aiango nakon Toromon n aron are e kainanoia.

Iobi 1:3

ao iai naba ana man aika itiua te nga te tiibu, tenua te nga te kamero, teuana te nga te kao, ma a kabaeaki ni kakauoman. Bon iai naba ana taani m'akuri aika rangi ni m'aiti, ao bon ngaia naba te kabanea ni kaub'ai n aomata n aaba ake i mainiku.

Iobi 31:8

ao ke e kamaunaaki arokau, ke ni kanaki uaan arokau i rouia tabem'aang.

Te Otinako 17:8

Ao a roko kaain Amareka ni buakaniia Iteraera i Rebirim

Itaia 11:14

Ma a nang ikoikotaki ni buakana Biritia i maeao. Ao i mwiina, a na kataenikaia kaain Etom, kaain Moaaba, ao kaain Ammon ake i mainiku. A na tautaekaniia aomata aikai ma n anai mairouia b'aai ake a tangiri.

Itaia 62:8

E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

Ieremia 49:28

Aio te b'ai are e taekinna te UEA i bukin baronga are Keta ao kaawa aika a uarereke n te rereua ake a tauaki i roun Uean B'aburon are Nebukaneta: ake a tia n tauaki i roun uean B'aburon are Nebukaneta Ongo, ngkami aika kaain Keta ma baronga ake te korakina ake n rereua i mainiku. I a tia n tuanga Nebukaneta b'a e na buakaningkami ma ni kamaunaingkami.

Etekiera 25:3

ao tuangiia ni kaangai: Kam karaoa ami bootaki ni kukurei ngkana e uruaki au Tembora, ngkana e b'aka Iteraera, ao ngkana a uotaki nako Au aomata b'a taenikai.

Etekiera 25:4

Ngkai N nang karaoingkami b'a kam na kataenikaiaki irouia barongan rereuan mainiku. A na katea aia kaemb'a i nanon abami ao a na kang uaan arokami ao a na nim ami miriki.

Nakoaia Ibonga 26:16

N na katuuaingkami korakora, ao kam na uruaki. Kam na aoraki n te aoraki ae e aki kona ni katokaki, ao te biiua ae e na karika te matakii ma te rawaawata. A na kang uaan arokami ami kairiribai,

Mika 6:15

Ko na unika te uita, ma ko na bon aki taiia uaana. Ko na ongira te b'aa man te oriwa, ma ko na bon aki kamanenaa. Ko na karaoa te wain, ma ko na bon aki mooi iai.

Te Tua-Kaua 28:51

A na anai ami kao, tiibu, kooti, uita, wain, ao b'aan te oriwa, ao ma ni katikuingkami b'a kam na mate ni baki.

Tani Motiki-taeka 3:13

ake a bootaki aia taanga ni buaka ma tautian Ammon ao tautian Amareka ni buakaniia Iteraera. A taua Ieriko ana taanga ni buaka Ekeron.

Tani Motiki-taeka 6:2

Ao a rangi ni buakaka aroia kaain Miiria nakoia Iteraera, ma ngaia are, a birinako Iteraera nakon te naani maunga ni karabaia n te naan nangananga ni b'a.

Tani Motiki-taeka 6:33

Ao a bane ni bootaki kaain Miiria, Amareka, ao botannaomata ake i mainiku, ao a ri nanon te Karaanga are te Ioretan. Ao i mwiina, a buakana abaia Iteraera, ao a katea aia maeka n te M'arua are Ietireera.

Tani Motiki-taeka 6:4

A roko i aon aia kaamero, ma ni katei aia autinrianna, ao a kam'arakeia aia man n arokaia Iteraera maikanne ni karokoa te kaawa are Kaata. A iraei taian am'arake kaain Miiria, n reitaki ma taian tiibu, taiani kao, ao taian aati. A aki kona ni warekaki m'aitiia b'a kaanga ai aroia taian taanga n rookati, A tiringi arokan aaba ake a mena i m'aain kawaia.

Tani Motiki-taeka 7:12

E bon rangi ni korakora te maeka arei. A kaona te m'arua arei kaanga te taanga n rookati kaain Miiria, Amareka, ao botannaomata ake i mainiku. Tao e beebete riki warekan te tano are i mataniwiin te bike nakon warekan aia kaamero.

Tani Motiki-taeka 8:10

A mena Teba ma Taremunna i Karekora aika a mena iai 15,000 tautia. Bon nikiraia taangan tautian mainiku, b'a a tia ni mate 120,000 tautiana n te buaka.