Tani Motiki-taeka 6:14 - Te B'aib'ara

¹⁴ Ao E taku te UEA, “Ko na korakora Kiteon, b'a I anganiko te m'aaka ni kamaiuia Iteraera mai rouia kaain Miiria.”

Tani Motiki-taeka 6:14 ပူးပေါင်းရင်းမြစ်များ

Te Otinako 3:10

Ko na nakon te uea ngkai! I kanakoko b'a ko na kairiia Au aomata ni kaotinakoia man abana.

Ebera 11:32

Ao tera riki ae N na atongnga? E na bane au tai ngkana I taekina Kiteon, ma B'araka, ma Tamton, ma Iebeta, ma Tawita, ma Tamuera, ma taiani burabeti.

Ebera 11:34

a katoka korakoran uran te ai, a rawei maiuia man te tiringaki n te kabaang, a kakorakoraki ngkana a mamara, a riki n ninikoria n te buaka, ao a katae aia kai aia taanga n tautia I-anena;

Tani Motiki-taeka 13:3

ma n te tai teuana E kaoti Ana anera te UEA nakoina ao e taku: E tuai man reke natim, ma n te tai ae aki maan ao ko na bikoukou ao e na reke natim te m'aane. E na riki b'a Ana b'ai te Atua man te tai are e moani bungiaki iai, ma ngaia are, e na aki kokoreaki iran atuuna. Ao i m'aain naba bungiakina, ao ko na aki momooi n te wain ke te biia ke ni kang am'arake aika tabuaki kanakiia n aron ake n ana Tua te Atua. E na moana kainaomataia Iteraera natim te m'aane mai rouia kaain Biritia.

Tani Motiki-taeka 4:6

N te bong teuana, ao e mena B'araka are natin Abinoam te m'aane i Keteti i Nabetari, ao e kanakoa ana taeka Tebora nakoina b'a e na roko ni maroroo ma ngaia. Ao ngke e a roko, ao E taku: Bon iai te rongorongo nakoim mairoun te UEA ae Atuaia Iteraera. Ko na botiia tebwina te nga m'aane man te baronga are Nabetari ao Teburun ao kairiia nakon te Maunga are Tabora.

Tani Motiki-taeka 6:11

Ao n te tai teuana, te UEA e kanakoa ana Anera nakon te kaawa are Obera, ao e tekateka te anera arei i aan te aroka ae buubura are arokan Ioati, are kaain te kaainga are Abietera. Ao e tabe n oroi kunin ana uita Kiteon n te m'anono ae kaan ma te anera arei, n te tabo ae aki kona n nooraki iai irouia kaain Miiria.

Tani Motiki-taeka 6:36

Ao e tataro Kiteon nakon te Atua ni kaangai, “I ataia b'a Ko berita b'a Ko na buokiira ni kamaiua Iteraera, ma I tangira te b'ai ni kakoaua. N na katokaa te burae n tiibu i aon te atiibu are raababa are n te tabo ni kaaki kun ni uita arei. Ao ngkana Ko na buokai ni kamaiuia Iteraera, ao Ko na karika te aoi i aon te buraentiibu, ma e na bon tiku ni m'auteretere te burae n tiibu.”

1.Tamuera 12:11

Ao E kanakoa Kiteon te UEA, Betan, Iebeta, ao Tamuera b'a a na kamaiungkami mairouia ami kairiribai, ao kam aki raraomaeakina buakanakimi.