Tani Motiki-taeka 6:13 - Te B'aib'ara

¹³ Ao e taku Kiteon, “Ngkana e koaua ane ko taku, ao e aera ngkai a riki taiani kaangaanga aikai? Ti a tia n ongo rongorongon taiani kakai aika E karaoi, ao kamaiuaia ara bakatibu mai Aikubita. A riki aron aikai n taai ake ngkoa. Ao ngkai, E a tia ni manga kiitaniira te UEA ni kawariia kaain Miiria.”

Tani Motiki-taeka 6:13 ပူးပေါင်းရင်းမြစ်များ

Karikani B'aai 25:22

Ao a nang riki natina aika bwebwee, ma i m'aain bungiakiia, ao a iniinimaki i nanon biroton tinaia. Ao e taku neierei, “E aera ngkai e riki aei nako iu?” Ao e nako n titirakina te UEA b'a tera.

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

Taian Areru 27:9

Ma ngaia ae tai karabako mairou. Ngai ae am Toro, te UEA Ko a tia ni buokai; Tai kitanai, tai taeanibai nako mai rou, Ngkoe ae te Atua, ae au Tia Kamaiu.

Taian Areru 44:1

Te Atua, ti ongo n taningara, Ti kaongoaki irouia ara bakatibu taekan am M'akuri ake Ko karaoi ni boong ake ngkoangkoa:

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Taian Areru 44:9

Ma Ko a ribaira ao Ko katokanikaia aiara i aora; Ao Ko a aki kairiia ara taanga ni buaka.

Taian Areru 89:49

Te Uea, tera ae Ko kona ni karaoia b'a kaotan ae Ko tangirira n ai aron are Ko tataneiai iai, Ao kaotan ae Ko kakawakin am Taeka n akoi ake a tia ni b'aka nakon Tawita?

Itaia 41:17

Ngkana a mate n taka ma n aki konaa ni kakaaea te ran aika a maiu ni kainano ao aika a tangira buokaia, Ao N na roko ae Atuan Iteraera ni buokiia. N na bon aki m'aninga taekaia.

Itaia 63:11

Ma ana aomata a uringa te b'ai are e riki ngkoa n ana tai Moote E bon aki uotiia ngkoa te UEA ma aia taani kairiiri nako ma ni kaawakiniia raoi i nanon taari? E bon aki anganiia ngkoa Tamneina ae e Raoiroi?

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Ieremia 23:33

Ieremia, ngkana e titirakiniko te burabeti ke te ibonga ke tao antai ni kaangai, “Iai ana rongorongo te UEA i bukira?” ao tuangiia ni kaangai, “Bon te uota ae e rawaawata ngkami i roun te UEA, ao E na karaoa taekam.”

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

Te Tua-Kaua 29:24

Ao ane a na titiraki aomatan botannaomata tabeua ni kaangai, E aera ngkai E kamaunaa te aba aei te UEA? Tera ae E a rangi n un iai?

Te Tua-Kaua 31:17

ao ane N na rangi n un, ao N na kiitaniia ma n aki kan ongo aia tataro. N na karokoa te kabuanib'ai ma te maraki irouia, ao ane a na kuri ni bane ni mate. Ao ni bon tokina, ane a na uringaaba, ao a na ataia b'a e roko te kabuanib'ai i bukina ngke I kitaniia.

Tani Motiki-taeka 6:1

Ao a manga waakina naba aia aki ongotaeka Iteraera nakon te UEA, ma ngaia are, E a anga ngaiia nakoia kaain Miiria b'a a na tauaki taekaia irouia i nanon 7 te ririki.

Tani Motiki-taeka 6:12

Ao e kaoti te anera nakon Kiteon ao e taku nakoina, “E na buokiko te anera, ao ko na riki b'a te tia buaka ae korakora.”