Tani Motiki-taeka 6:11 - Te B'aib'ara

¹¹ Ao n te tai teuana, te UEA e kanakoa ana Anera nakon te kaawa are Obera, ao e tekateka te anera arei i aan te aroka ae buubura are arokan Ioati, are kaain te kaainga are Abietera. Ao e tabe n oroi kunin ana uita Kiteon n te m'anono ae kaan ma te anera arei, n te tabo ae aki kona n nooraki iai irouia kaain Miiria.

Tani Motiki-taeka 6:11 ပူးပေါင်းရင်းမြစ်များ

Karikani B'aai 16:7

Ao e kaitibo Ana anera te UEA ma Nei Aka n te koburake n ran are n te rereua are n te kawai nako Tiura

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

1.Uea 19:19

Ao e nako Eria, ao e noora Eritai ngke e tabe ni kamaraua tanon ana tawaana n ana kaom'aane aika uoman. Boni iai naba tengaun ma temanna riki m'aane aika a mena i matana, ao a bon tabe naba ni kamaraua te tano n taian kaom'aane aika uoman. Ao e nako Eria ni kawariia ao e katokaa ana kunnikai i aon Eritai.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Warekaia Iteraera 26:30

ake man kaainga ake Makira,

Ebera 11:32

Ao tera riki ae N na atongnga? E na bane au tai ngkana I taekina Kiteon, ma B'araka, ma Tamton, ma Iebeta, ma Tawita, ma Tamuera, ma taiani burabeti.

Iotua 17:2

Ao aaba ake i maeaon te karaanga are te Ioretan a bane n nakoia nikiran utuun te baronga are Manate: Abietera, Ereka, Atiriera, Tekem, Ebera, ao Temita. Bon aikai kanoan Manate are natin Ioteb'a, ao bon mataniwiin naba aia utu.

Iotua 18:23

Awim, Bara, Obera,

Tani Motiki-taeka 13:3

ma n te tai teuana E kaoti Ana anera te UEA nakoina ao e taku: E tuai man reke natim, ma n te tai ae aki maan ao ko na bikoukou ao e na reke natim te m'aane. E na riki b'a Ana b'ai te Atua man te tai are e moani bungiaki iai, ma ngaia are, e na aki kokoreaki iran atuuna. Ao i m'aain naba bungiakina, ao ko na aki momooi n te wain ke te biia ke ni kang am'arake aika tabuaki kanakiia n aron ake n ana Tua te Atua. E na moana kainaomataia Iteraera natim te m'aane mai rouia kaain Biritia.

Tani Motiki-taeka 13:6

Ao e nakon Manoa ao e taku, E roko irou te burabeti ae ai aron Ana anera te Atua ao e taetae nako iu. I bon rangi ni maaku, n te aro are I aki roko n te titirakinna b'a e nako mai ia. E aki tuangai arana,

Tani Motiki-taeka 5:23

Ao E taku Ana anera te UEA, “Ko na karokoa te maraia i aon te Kaawa are Meroti a rawa kaaina ni buoka te UEA ni buakaniia Ana kairiribai aika korakora.”

Tani Motiki-taeka 6:12

Ao e kaoti te anera nakon Kiteon ao e taku nakoina, “E na buokiko te anera, ao ko na riki b'a te tia buaka ae korakora.”

Tani Motiki-taeka 8:2

Ao e taku Kiteon: Kam na aki kab'arai nanomi. E ngae ngke kam a tib'a roko, ma e buubura riki are kam a tia ni karaoia nakon are I karaoia. Bon ti te bo ma tain te tai i bukin te kureebe: A rangi n raoiroi riki aia kureebe ami baronga ake a aki tabe ma kinikakin uaaia nakon raraoin kureeben ara utu ake a uniki.

Tani Motiki-taeka 9:5

Ao e nako ma ana tautia akekei nakon ana auti tamana i Obera ao a kairiia nako natin Kiteon ake tabeman nakon te b'a ae korakora, ao a tiringiia iai ni kabane ake itingaun. Ao e karabaaki mai rouia tautia natin Kiteon are te kabanea ni uarereke, ao bon ti ngaia are e reke birinakona.