Tani Motiki-taeka 5:9 - Te B'aib'ara

⁹ I neboiko, te UEA, ao I rangi ni kaitau i bukiia taani kairiiri ao tautia aikai aika a anga nanoia.

Tani Motiki-taeka 5:9 ပူးပေါင်းရင်းမြစ်များ

1.Rongorongo 29:9

Ao e rangi ni kukurei Tawita ma aomata b'a a tia n anga ae rangi ni m'aiti nakon te UEA, ao a rangi ni kakatonga.

2.Rongorongo 17:16

Aia kateniman, bon Amatia are natin Tikeri te m'aane, are e a tia n anga nanona b'a e na m'akuri i bukin te UEA, ao uabubua te ngaa m'aitiia tautia ake a mena i aan ana kairiiri.

2.Rongorongo 31:8

Ao ngke a noori taian angab'ai aikai Etekia ma ana mataniwi, ao a kaaitaua te UEA ao aomata.

Neemia 11:2

Ao i mwiina, a bane aomata n buubutia te Atua b'a e na kakab'aiaia ake a kukurei ni maeka i Ierutarem.

Taian Areru 103:2

N na karaoiroa te UEA ni maiu, ao N aki m'anuoki ana akoi ni bane.

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

2.I-Korinto 8:17

B'a e aki ti butim'aea ara bubuti, ma bon iai nanona ni kani buokingkami, ma ngaia are e a tia ni baireia n oin nanona b'a e na nako imi.

2.I-Korinto 9:5

Ma ngaia are I taku b'a e riai b'a N na butiia taari aikai b'a a na rimoau nako imi, ni katauraoia i m'aiu te b'ai n tituaraoi are kam a tia ni kab'aka ami taeka iai b'a kam na karekea, b'a e aonga n tauraoi b'a te b'ai ae aki kairoroaki ma te b'ai ae nako man nanomi.

Tani Motiki-taeka 5:2

Ti neboiko, te UEA. A anga nanoia ana tautia, a tauraoi ni iriko.