Tani Motiki-taeka 5:23 - Te B'aib'ara

²³ Ao E taku Ana anera te UEA, “Ko na karokoa te maraia i aon te Kaawa are Meroti a rawa kaaina ni buoka te UEA ni buakaniia Ana kairiribai aika korakora.”

Tani Motiki-taeka 5:23 ပူးပေါင်းရင်းမြစ်များ

Neemia 3:5

E na manga onob'aiaki te m'akoro are i mwiina irouia m'aane mai Tekoa, ma a rawa aia taani kairiiri man aia kaawa ni karaoa te m'akuri ae e rawaawata are a anganaki b'a tib'angaia.

Taian Areru 94:16

Antai ae e tei i buku ni kaitaraia akana buakaka? Antai ae buokai ni kaitaraia taani karaoa ae buakaka?

Ieremia 48:10

I tangiria n tiringiia kaain Moaba, ao ngkana kam kabiri nako ia, N na bon kamaraiaingkami.”

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

I-Rom 15:18

B'a N na ninikoria n taekina te baere E a tia ni karaoia Kristo i rou n au taeka ma au m'akuri i bukini kairaia aomata aika tiaki I-Iutaia, b'a a aonga n ongeaba nakon te Atua.

1.I-Korinto 16:22

Ngkana arona b'a iai ane aki tangira te UEA, ao ke e reke kaina. M'arana ta!

1.I-Korinto 3:9

Aboro ao ngai, bon raao ni m'akuri i bukin te Atua; ao ngkami ana o n aroka te Atua. Ao ana auti naba ni maeka ngkoe.

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

Tani Motiki-taeka 13:3

ma n te tai teuana E kaoti Ana anera te UEA nakoina ao e taku: E tuai man reke natim, ma n te tai ae aki maan ao ko na bikoukou ao e na reke natim te m'aane. E na riki b'a Ana b'ai te Atua man te tai are e moani bungiaki iai, ma ngaia are, e na aki kokoreaki iran atuuna. Ao i m'aain naba bungiakina, ao ko na aki momooi n te wain ke te biia ke ni kang am'arake aika tabuaki kanakiia n aron ake n ana Tua te Atua. E na moana kainaomataia Iteraera natim te m'aane mai rouia kaain Biritia.

Tani Motiki-taeka 2:1

Ao E m'ananga Ana anera te UEA mai Kirekara nako Bokim ao E anganiia Iteraera te rongorongo aei: I berita nakoia ami bakatibu b'a N nang anga te aba aei nakoia ami utu, ao e karokoia ami aomata aikai mai Aikubita. Ti karaoa ngkoa te berita, ao I berita b'a e na aki uruaki.

Tani Motiki-taeka 21:5

Ao a titirakiniia i bon irouia ni kaangai, Iai mai buakoia barongan Iteraera ae aki roko nakon te tabo n taromauri? Ti a tia ni karaoa ara berita ae tabu b'a ane aki roko n te bowi i Mitib'a ao e na tiringaki.

Tani Motiki-taeka 21:8

Ao a manga titiraki riki Iteraera, Iai te baronga ae aki roko n tain te bowi are karaoaki i Mitib'a? Ao i mwiin te ititiraki i bon i marenaia, ao a kunea b'a ngaia a aki roko kaain Iabeti are i Kireata.

Tani Motiki-taeka 4:6

N te bong teuana, ao e mena B'araka are natin Abinoam te m'aane i Keteti i Nabetari, ao e kanakoa ana taeka Tebora nakoina b'a e na roko ni maroroo ma ngaia. Ao ngke e a roko, ao E taku: Bon iai te rongorongo nakoim mairoun te UEA ae Atuaia Iteraera. Ko na botiia tebwina te nga m'aane man te baronga are Nabetari ao Teburun ao kairiia nakon te Maunga are Tabora.

Tani Motiki-taeka 5:13

A manga ikotaki ma aia tia kairiiri ana Aomata te UEA ake a tiku ao a buaka i buku.

Tani Motiki-taeka 6:11

Ao n te tai teuana, te UEA e kanakoa ana Anera nakon te kaawa are Obera, ao e tekateka te anera arei i aan te aroka ae buubura are arokan Ioati, are kaain te kaainga are Abietera. Ao e tabe n oroi kunin ana uita Kiteon n te m'anono ae kaan ma te anera arei, n te tabo ae aki kona n nooraki iai irouia kaain Miiria.

Tani Motiki-taeka 8:5

Ao e uakaan ma ngaiia te kaawa are Tukota, ma ngaia are, a nako iai ao a bubuti kanaia ni kaangai, Taiaoka karekea kanaia kaain ara taanga ni buaka. Ti a rangi ni kua, ma ti riai ni kakioia uean Miiria ake Teba ao Taremunna.

Tani Motiki-taeka 8:6

E aera ngkai ti na kam'arakeia kaain ami taanga ni buaka, ao ti aki ataia b'a kam na bon tokanikai i aoia uea ake Teba ao Taremunna ke kam aki.

Tani Motiki-taeka 8:8

Ao i mwiin kitanakin Tukota, ao e nako Kiteon nako Benuera ao e bubuti kanaia ana taani kairiiri iai. Ma bon ti te bo naba te kaeka are anganaki iai n aron are i Tukota.

1.Tamuera 17:47

A na bane n nooria aomata b'a E aki kainanoa te kabaang ma te kainiwai te UEA ngkana E kamaiuia Ana aomata. E totokanikai n taai nako te UEA n te buaka, ao E na bon buokiira b'a ti na konaingkami.

1.Tamuera 18:17

Ao n te tai teuana, ao e tuanga Tawita Tauro ni kaangai, “Ngkana ko ninikoria ni buaka n ana buaka te UEA i buku, ao N na kaieiniko ma natiu te aine are te karimoa are Nei Meraba.” Ma e iango i nanona Tauro ni kaangai, “I aki tangiria n tiringa Tawita, ma ngaia are, N na kanakoa b'a a na tiringnga kaain Biritia i buku.”

1.Tamuera 25:28

I butiiko b'a ko na kab'araa au bure n te b'ai ae I a tia ni karaoia. E na kaueako te UEA, ma am kariki naba, i bukina b'a ko buaka i bukina; ao ko na aki karaoa te b'ai teuana ae e buakaka i nanon am tai ni maiu.

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.