Tani Motiki-taeka 4:4 - Te B'aib'ara

⁴ Bon te burabeti Nei Tebora are buun Rabitota ao bon te tia kairiiri naba irouia Iteraera i nanon boong akanne.

Tani Motiki-taeka 4:4 ပူးပေါင်းရင်းမြစ်များ

2.Uea 22:14

Ao a nako m'aane ake niiman akekei n taetae ma Nei Ureta are te burabeti. Buun Nei Ureta bon Tiarum are natin Tikewa, are te tia tararuai ana kunnikai te uea. E maeka Nei Ureta ni m'akoron Ierutarem are mai meang, ao ngke a kaaitibo ni mwengana

Neemia 6:14

Ao i mwiina I buubutiia te Atua b'a e na katuaaea Tobia ma Taneb'arata i bukin te b'ai are a tia ni karaoia. I tataro b'a e na katuaaea te burabeti are Nei Noaria te Atua ao burabeti ake tekorakina ni ikotaki, ma koraki ake a tia ni kataia ni kakamaakai.

Te Otinako 15:20

Ao e anaa ana timbere Nei Miriam are m'anen Aaron, ao a bane aine ni iria ni katangtang n te timbere ma ni m'am'aie.

Etekiera 13:17

Etekiera ae natin te aomata, ko na kabuakakaia ainen Iteraera ake a kab'arab'araa te rongorongo are bon oin aia iango.

Mika 6:4

I kaotinakoingkami mai Aikubita; I kamaiungkami man te tautoronaki; I kanakoa Moote, Aaron, ao Miriam b'a a na kairingkami.

Ruka 2:36

Ao iai te burabeti ae Nei Anna, are natini B'anuera ae kaain te baronga are Atera; e a kara, ao e a tia n tekateka ma buuna i nanon itiua te ririki ma ngke a moa n iein.

M'akuri 21:9

Iai aman natina aine aika tuai n iein, aika tataetae ni burabeti.

1.I-Korinto 11:5

Ao te aine ae tataro ke ae taetae ni burabeti, n aki rabuna atuna, ao e kamatauningaa atuna; bon akea okorona ma te aine are e a tia ni korobuatauaki.

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

Tani Motiki-taeka 4:3

Bon iai ana kaanibuaka Iabin aika taian biti aika m'aitiia 900, ao e karawawataai maiuaia Iteraera i nanon 20 te ririki, ni karokoa a bubutiia te UEA buokaia.

Tani Motiki-taeka 4:5

E tetekateka i aan arokana te baam are i marenan Ram'a ma Betaera are n te aba are tabukibuki i Eberaim, ike a roroko iai i rouna Iteraera ni bubutiia b'a e na karaoi aia kaangaanga.

Tani Motiki-taeka 5:1

Ao e a toki te buaka n te bong arei, ao a anenea te anene aei Nei Tebora ma B'araka: