Tani Motiki-taeka 4:21 - Te B'aib'ara

²¹ Ao e a toki kuan Titera ao e a matu nako. Ao e anaa te aama Nei Iaera, ao e unika te beke i atuun Titera ni kanimm'a ma te tano, ao e a mate.

Tani Motiki-taeka 4:21 ပူးပေါင်းရင်းမြစ်များ

Taian Areru 3:7

Te UEA ae te Atua, teirake ao kamaiuai. Orom'angaiia taan ribaai, ao urui naba wiia,

1.I-Korinto 1:19

B'a e koreaki ae kangai: “N na kamaunaa rabakauia akana rabakau, ao N na kaki wanawanaia akana wanawana.”

1.I-Korinto 1:27

Ma te Atua E rinei baika atongaki n te aonnaba aei b'a a baba, b'a E na kamamaaia aomata aika rabakau. E rinei b'ain aon te aba aika mamara b'a E na kamamaai baika korakora.

Tani Motiki-taeka 15:15

Ao e taratara nako Tamton ao e noora m'angain te aati. E bon rawaawata te m'angai arei b'a e tuai rangi ni m'au. Ao e anaia ao e oroia iai m'aanen Biritia--e tiringiia 1,000 mai buakoia.

Tani Motiki-taeka 3:21

Ao e buuta ana kabaang Euta ni maingina ao e karinna i biroton Ekeron

Tani Motiki-taeka 3:31

Te kauoman n aomata ni kamaiuia Iteraera bon Tiamka are natin Anata te m'aane. E kabonganaa te kai ae kakang tabona n tiringiia iai onobubua kaain Biritia.

Tani Motiki-taeka 4:20

Ao e taku Titera nakoina, “Teitei i matan te autinrianna, b'a ngkana iai ae roko ma n titirakiniko b'a iai kaain te autinrianna, ao ko na kaangai, ‘Akea.’ ”

Tani Motiki-taeka 4:22

Ao i mwiin tabeua te tai, ao e a roko B'araka b'a e riri mwiin Titera, ao e otinako Nei Iaera ni kawaria ao e taku, “Are i nanon te auti te aomata ae kam kakaaea, nakomai riin b'a N na kaotia nakoimi.” Ao a rinnako, ao a noora Titera ni wene ni mate ma kain atuuna te beke.

Tani Motiki-taeka 4:9

Ao e taku Nei Tebora, “E tamaroa, N na m'ananga, ma I kauringko b'a E na katokanikaia te aine te UEA i aon Titera, ao akea riki ae na manga karineko i bukin tokanikaim n te buaka.” Ao a nako Nei Tebora ma B'araka nako Keteti,

1.Tamuera 17:43

Ao e taku Koria, “Ko nakomai ma te kai b'a ko taku b'a te kamea ngai?” Ao e kamaraia Tawita n aran atuaia kaain Biritia