Tani Motiki-taeka 4:19 - Te B'aib'ara

¹⁹ Ao e taku Titera, “Taiaoka, e kona n reke nimau te ran teutana? I a rangi n taka.” Ao e kauka te b'atoro are te kunniman Nei Iaera ao e kab'aroa nimana te miriki, ao e a manga rabunna naba.

Tani Motiki-taeka 4:19 ပူးပေါင်းရင်းမြစ်များ

Karikani B'aai 24:43

Aio ngai ae I mena i rarikin te m'anib'a aei. Ngkana e roko te ataeinaine n itiran, ao N na bubutiia b'a e na anganai ana ran teutana man ana konteina n ran.

1.Uea 17:10

Ao ngke e a roko Eria i rarikin mataroan te kaawa are Tareb'ata, ao e noora te aine ae e a tia ni mate buuna b'a e rikorikoi ana aia. Ao e taku nakoina, Ko konaa n taiaoka n anganai te m'angko n ran?

Itaia 41:17

Ngkana a mate n taka ma n aki konaa ni kakaaea te ran aika a maiu ni kainano ao aika a tangira buokaia, Ao N na roko ae Atuan Iteraera ni buokiia. N na bon aki m'aninga taekaia.

Ioane 4:7

E roko te aine temanna, ae te I-Tamaria, b'a e na roaa te ran. E taku Iesu nakoina, “Kaamai te ran b'a N na moi.”

Tani Motiki-taeka 4:18

Ao e otinako neierei ni butim'aia ao e taku, “Nakomai rin, teuae ko karineaki. Taiaoka rin nako. Tai maaku.” Ao ngke a tia n rin nako, ao e a wene Titera, ao e rabunna Nei Iaera n te burangketi.

Tani Motiki-taeka 4:20

Ao e taku Titera nakoina, “Teitei i matan te autinrianna, b'a ngkana iai ae roko ma n titirakiniko b'a iai kaain te autinrianna, ao ko na kaangai, ‘Akea.’ ”

Tani Motiki-taeka 5:24

Ma kam na neboa Nei Iaera, are buun Ebera are kaain te kaainga are Ken. Karakaa riki neboana nakoia aine nako aika maeka n autinrianna. Eng, karakaa riki neboana nakoia aine nako.