Tani Motiki-taeka 4:14 - Te B'aib'ara

¹⁴ Ao e takaarua Tebora ni kaangai, “B'araka, e a bo tain buakanakin Titera b'a E na buokiko te UEA ni kataenikaia n te bong aei.” Ao ni koauana raoi, “E a tia te UEA n ri moami ni buaka i bukimi.” Ao e kairiia ana taanga ni buaka B'araka ake 10,000 rikaaki man te Maunga are Tabora.

Tani Motiki-taeka 4:14 ပူးပေါင်းရင်းမြစ်များ

Karikani B'aai 19:14

Ao e nako Roota ni kawariia mm'aane ake a na iein ma natina aine, ao e taku, “Kawaekoaingkami otinako mai ikai; E nang kamaunaa te tabo aei te UEA.” Ma a taku b'a e manikangare.

Karikani B'aai 44:4

Ao ngke a tib'a raroa teutana man te kaawa, ao e taku Ioteb'a nakon ana toro are e tararuaa ana auti, “Kawaekoako rimwiia mm'aane akekei. Ngkana a reke iroum, ao tuangiia b'a e aera ngkai a karaoa te m'akuri ae e buakaka ni kabooan te m'akuri ae e raoiroi?

2.Tamuera 5:24

Kam na tataninga ikekei ni karokoa ae kam na ongo karongoaia taanga ni buaka aika a m'aati mai taberan taian aroka. Ao kam na kawaekoaingkami ni buaka! Nanon te tang anne b'a I a tia n rimoami ni m'aati ni buakaniia aia taanga ni buaka kaain Biritia.

Itaia 52:12

Kam na aki biri. Akea ae e kaeingkami. E na kairingkami ao ni kaawakiningkami man aia buaka ami kairiribai te UEA ae Atuaia Iteraera.

Mika 2:13

E na kauka te kawai nakoia te UEA, ao E na kaotinakoia man te kataenikaiaki. A na otinako man mataroan te kaawa, ao a na kainaomataaki. E na kairiia ni kaotinakoia aia King ae bon te UEA n ti ngaia.

Te Tua-Kaua 9:3

Ma E a tia ni berita te UEA ae Atuami b'a E na ririmoami, kaanga ai aron te ai ae kabuebue ae kabueki b'aai ni kabane mai m'aaini kawaimi. Ma ngaia are, ngkana kam buakaniia ami kairiribai, ao e na bon rangi ni bebete iroumi ngkana kam tiringiia man taua te aba.

Iotua 10:8

E taku te UEA nakon Iotua, “Tai maakuia I a tia n anganingkami te tokanikai i aoia. Bon akea temanna mai i buakoia ae e na konaa ni kaaitarai ngkami.”

Iotua 7:13

Tei rake! tabuia am aomata ao katauraoia i m'aain rokoia i matau. Tuangiia b'a a na katauraoia i m'aain te ingabong, b'a iai au taeka Ngai ae te UEA ae Atuaia Iteraera nakoia ae kaangai, ‘Iai b'aai i buakon ami b'ai Iteraera are I tuangngkami ngkoa b'a kam na kamaunai. Kam na bon aki konaa ni kaaitaraia ami kairiribai ni karokoa kam a tia ni karenakoi baikanne ni kabane.’

Tani Motiki-taeka 19:28

Ao e taku teuarei nakoina, “Teirake, ti nangi nako. Ma e aki kakam'akuri buuna. E tabekaarake rab'atana ni katokaa i aon te aati ao e nako.

Tani Motiki-taeka 4:10

ike e botiia iai aia taanga ni buaka Teburun ma Nabetari aika 10,000, ao e kairiia B'araka nako Keteti. Ao e iri naba Nei Tebora.

Tani Motiki-taeka 7:9

Ao E taku te UEA nako Kiteon n te tairiki anne, “Teirake ngkai, ao buakana aia maeka kaain Miiria. N na anganingkami te tokanikai i aoia,

1.Tamuera 9:26

ao e matu Tamuera ikekei. Ao n otin taai n te ingabong are i mwiina, ao e wetea Tauro Tamuera nako taubukin te auti, ao e taku, “E a bo tain te uti! N na iriko ni kab'akako i mataroan te kaawa.” Ao e teirake Tauro, ao a kaai n airi nako