Tani Motiki-taeka 4:12 - Te B'aib'ara

¹² Ao ngke e ataia Titera b'a e a tia B'araka ni kaira ana taanga ni buaka nakon te Maunga are Tora,

Tani Motiki-taeka 4:12 ပူးပေါင်းရင်းမြစ်များ

Taian Areru 89:12

Ko kariki aaba nako i aang ao nako aiaki; A anene ni kim'areirei nakoim Tabora ma Oman.

Taian Areru 89:13

Ai m'akara Ngkoe! Ai kamakuraa korakoram!

Ieremia 46:18

Aikubita, bon te Uea ni koaua Ngai, te UEA Ae Moan te M'aaka, ngkai bon iai Ngai a na rietaata i aom kairiribai akana a buakaniko kaanga te Maunga are Tabora i buakon taian tabuki ke te Maunga are Karemera i rarikin taari.

Otea 5:1

Ongora, ngkami aika ibonga! Kakauongo raoi, Iteraera! Ongora, ngkami aika kaain te utu n uea. Bon tabemi karaoan te motikitaeka ae eti. Ma kam kam'aneia aomata i Mitib'a ao te Maunga are Tabora.

Iotua 19:12

E a manga biri ni waerake ni iteran Tarita are teuana nako tian Kitirota-tabora,

Iotua 19:22

E waaki nako te tia are mai meang nakon te maunga are Tabora ao Tiaatuma, ma Beta-temeti, nakon te karaanga are te Ioretan. Bon tebwi ma onoua kaawa aika a buubura ake a reke i nanona n reitaki naba ma kaawa aika a uarereke i rarikiia.

Iotua 19:34

Ao e a manga b'aoua ni wairio te tia mai ikanne nako Atinota-tabora, ao e a manga nako Ukoka, ao e roko i Teburun i maiaki, ao i Atera i maeao, ao n te Ioretan i mainiku.

Tani Motiki-taeka 4:11

Ao n te tai aei, e maeka Ebera are kaain te kaainga are Ken i rarikin te kaawa are Oke i Taanannim, e aki rangi n raroa mai Keteti. A nako kaain te kaainga are Ken mairoun Obaba, taman buun Moote, ma e a tia ni m'aing nako Ebera ma ni katea ana kaemb'a ni kararoa ma te kaainga.

Tani Motiki-taeka 4:13

ao e weteia ana taanga ni buaka ni botiia, ao e katauraoi 900 taiani kaanibuaka ni kabane. Ao e kairiia nako ana taanga ni buaka mai Aroteta A Koiim nakon te Karaanga are Kition.

Tani Motiki-taeka 4:6

N te bong teuana, ao e mena B'araka are natin Abinoam te m'aane i Keteti i Nabetari, ao e kanakoa ana taeka Tebora nakoina b'a e na roko ni maroroo ma ngaia. Ao ngke e a roko, ao E taku: Bon iai te rongorongo nakoim mairoun te UEA ae Atuaia Iteraera. Ko na botiia tebwina te nga m'aane man te baronga are Nabetari ao Teburun ao kairiia nakon te Maunga are Tabora.

Tani Motiki-taeka 8:18

Ao e taku Kiteon, Teba ao Taremunna, kam na tuangai rongorongoia m'aane ake kam tiringiia i Tabora. Ao a taku uea ake uoman akekei, Bon te ti te bo ma ngkami. Ti te bo taraaia ma taiani uea.