Tani Motiki-taeka 4:11 - Te B'aib'ara

¹¹ Ao n te tai aei, e maeka Ebera are kaain te kaainga are Ken i rarikin te kaawa are Oke i Taanannim, e aki rangi n raroa mai Keteti. A nako kaain te kaainga are Ken mairoun Obaba, taman buun Moote, ma e a tia ni m'aing nako Ebera ma ni katea ana kaemb'a ni kararoa ma te kaainga.

Tani Motiki-taeka 4:11 ပူးပေါင်းရင်းမြစ်များ

Te Otinako 18:1

Ao Ietero are ibongani Mirian, are tamani buun Moote, e ongo aron b'aai ni kabane ake E a tia ni karaoi te UEA nakoni Moote ma Iteraera ngke E kaotinakoia mai Aikubita.

Te Otinako 2:18

Ao ngke a oki natin Ietero aine akekei nakon mwengaia, ao e a titirakiniia tamaia ni kaangai, “E aera ngkai kam moantaai n oki n te bong aei?”

Te Otinako 3:1

N te bong teuana, ao Moote e tararuaia ana tiibu ma ana kooti taman buuna are Ietero are ibongan Mirian. Ao e iangoia Moote b'a e na kairiia maan ri nanon te rereua nako Tinai, te maunga are e tabu.

Warekaia Iteraera 10:29

Ao e mena ikekei Obaba are kaain Miria are taman buun Moote, ao e taku Moote nako ina, “Ti nang nako nakon te tabo are E a tia ni berita iai te UEA nako ira. E a tia n taku b'a a na akea te kangaanga ae ti na bo ma ngaia. Ma ngaia are, ko na iriira b'a ti na bon tararuaiko raoi b'a a na akea naba te kangaanga iroum.”

Warekaia Iteraera 10:32

I rarikin anne, ao ngkana ko iriira, ao ti na karekea tib'am man b'aai ake E anganiira te UEA.”

Warekaia Iteraera 24:21

“Ao aio te b'ai ae I nooria i bukiia kaain Keena: A taku n aia iango b'a a rangi ni mano, ngke a maeka i buakon taiani b'aa,

Iotua 19:33

E moa tian abaia te baronga ae Nabetari mai Ereba nakon te kaawa are Oke i Taanannim, ni karokoa Ataminekeba, Iabeneera, ni karokoa Rakum, ao e toki n te Ioretan.

Iotua 19:37

Keteti, Eterei, En-atora,

Tani Motiki-taeka 1:16

Aomata ake kaain te kaainga are Ken boni ngaiia kanoan ai taman Moote. A uaia ni kiitana Ieriko ma kaain Iuta, ao a tiku ni maeka i rarikin Arata n Rereuan Maiaki n aki raroa ma kaain Amareka.

Tani Motiki-taeka 4:12

Ao ngke e ataia Titera b'a e a tia B'araka ni kaira ana taanga ni buaka nakon te Maunga are Tora,

Tani Motiki-taeka 4:6

N te bong teuana, ao e mena B'araka are natin Abinoam te m'aane i Keteti i Nabetari, ao e kanakoa ana taeka Tebora nakoina b'a e na roko ni maroroo ma ngaia. Ao ngke e a roko, ao E taku: Bon iai te rongorongo nakoim mairoun te UEA ae Atuaia Iteraera. Ko na botiia tebwina te nga m'aane man te baronga are Nabetari ao Teburun ao kairiia nakon te Maunga are Tabora.

1.Tamuera 15:6

Ao a maeka kaain Kenaite i rarikin te tabo arei, ao e taku Tauro nakoia, “A bon rangi n akoi ami aomata nakoia Iteraera ngke a otinako ara botannaomata mai Aikubita, ao I aki tangiriko b'a ko na mate ngkana ti tiringiia kaain Amareka. Ma ngaia ae, kam na kiitana ikai ni kararoaingkami mairouia.” Ao a nako kaain Kenaite,

1.Tamuera 27:10

are e na manga titirakiniia ni kaangai, “Kam kurib'ai ia n te tai aei?” Ao e na tuangnga Tawita b'a a nako m'akoron Iuta maiaki ke nakon aban te kaainga are Ierameera ke te aba are e maeka iai kanoan Kenaite.