Tani Motiki-taeka 3:3 - Te B'aib'ara

³ kaain Biritia ma aia taan tautaeka ake nimaua, ao ai uana naba ma kaain Kanaan, kaain Titon, ao kaain Eta ake a maeka ni Maungan Reb'anon man te Maunga are B'aaraoman nako Kawain Amata.

Tani Motiki-taeka 3:3 ပူးပေါင်းရင်းမြစ်များ

Karikani B'aai 49:13

“E na maeka Teburun i rarikin taari. E na riki mataniwin taari are i abana b'a aia matabaiawa kaibuke. E na rokoroko tian abana i Titon.

2.Tamuera 24:7

Ao a roko n nonon Turo, ao a manga ri nanon aia kaawa nako kanoan Iwa ao kanoan Kanaan. Ao kabaneana, a nako Beerateb'a are n Rereuan i Iuta mai maiaki.

1.Uea 8:65

Ao e karaoa aia bootaki ae e buubura Toromon ma aomata ni bukamarua te Toa ae M'anganikaai i nanon te Tembora itiua te bong. Ao a roko aomata man taabo aika a raroa; mani karaangan Aikubita ae uarereke i maiaki ao mai Rebo Amata i meang.

1.Uea 9:20

Ao e aki kairoroia Iteraera Toromon ni karaoa ana m'akuri. E karaoia b'a ana tautia, ana aobitia, ana taani kairiiri, ana mataniwi n tautia, ana taan toka i aoni kaanibuaka, ao ana taani kabuti kaanibuaka. Ao e karaoia kaain Amora, kaain Eta, kaain Beriti, ao kaain Iebuti ake a maeka i Iteraera. Bon aikai kanoaia i anena ake a aki konaa Iteraera ni kamaunaia, ao a tiku n riki b'a aia toro Iteraera.

Etekiera 47:20

E na biri tian maeao i mataniwiin Taari are Mereterenian nakon te tabokeekee raoi are i maeaon Rebo Amata.

Warekaia Iteraera 13:29

Ao i rarikin anne, a maeka kanoan Amareka n te Rereua are i Maiaki, ao a maeka kaain Eta, kaain Iebuti, ao kaain Amora n aaba ake a tabukibuki, ao a maeka kaain Kanaan i mataniwiin Taari are te Mereterenian, ao mataniwiin naba te karaanga are te Ioretan.

Warekaia Iteraera 34:8

Ao i mwiin anne, e na manga biri nakon Rebo Amata, ao rinukan Tetata, are boni ngaia tokin abami mai meang.

Te Tua-Kaua 1:7

Kam na kiitana ikai nako abaia kaain Amora ma kaain rarikiia ake kaain Kanaan. A reke i nanon te aba aei aaba aika M'aruan te Karaanga are te Ioretan, te aba are e tabukibuki, aaba ake a rinano ake i maeao, Rereuan Maiaki, mataniwiin Taari are te Mereterenian, Maungan Reb'anon, ao aaba ni kabane ni karokoa te Karaanga are te Iuberetiti.

Te Tua-Kaua 3:9

E aranaki te Maunga are Oman irouia kaain Titon b'a te Maunga are Tirion, ao e aranaki b'a te Maunga are Tenira irouia kaain Amora.

Iotua 11:19

Bon ti Kibeon te kaawa are a maeka iai tabeman taian Iwaite, are e raoi ma Iteraera. Ao a bane ni buakanaki man tauaki ake nikirana i roun Iotua.

Iotua 11:3

Ao e kanakoi naba ana taeka nakon uean Kanaan ake i mainiku ao i maeao, nakoia taian Amoraite, ma te baronga are Eta, ma taian Beritaite, ma Iwaite ake i aan te maunga are Oman n te aba are Mitib'a.

Iotua 13:3

ma abaia naba taian Awim nako maiaki, (aaba ake man te karaanga are Tiora, are n tian Aikubita, nako iaang nakon tian Ekiron e atongaki b'a abaia I-Kanaan; a maeka uean Biritia i Kata, i Atitota, i Atikeron, ao i Ekiron.)

Iotua 13:5

A tuai reke naba abaia I-Keeb'ara, ma Reb'anon ni kabane ake i mainiku, ni moa mai B'aara-kata, are i maiakin te maunga are Oman nako kawain Amata.

Iotua 19:28

Ebiron, Reoba, Ammon, Kana, ao e toki i Titon.

Iotua 9:7

Ao a kaangai aomatan Iteraera nakoia, “E aera ngkai ti na boraraoakina te raoi ma ngkami, e na mena ngkoa ao ngaia kam bon maeka ni kaan ma ngaira!”

Tani Motiki-taeka 10:7

Ao E un te UEA irouia Iteraera ao E iangoia b'a E na kanakoia kaain Biritia ma kaain Ammon b'a a na kataenikaiia.

Tani Motiki-taeka 14:4

N taai akanne, a tautaekanaki Iteraera irouia kaain Biritia, ao E karaoa aei te UEA b'a E na karekea te mangao i marenaia. Ao bon anne bukina are E karaoa iai Tamton b'a e na tangira te aine arei.

Tani Motiki-taeka 18:7

Ao a nako m'aane akekei nakon te kaawa are Raiti, ake a roko kaaina mai Titon, ma a aki kona ni kamanoaki mai Titon b'a e rangi n raroa nako. E ngae ngke akea oon aia kaawa ao a bon taku naba kaaina b'a a rangi ni mano man taiani buaka. Ma ngaia are, a aki manga bubutiia te aomata temanna buokaia, are nanona b'a e na rangi ni beebete iroun te baronga are Taan ngkana e buakana Raiti.

Tani Motiki-taeka 4:2

Ma ngaia are, E kanakoa uean Kanaan are Iabin are mena i Atora b'a e na kataenikaiia Iteraera. E maeka ana kam'anta Iabin are Titera i Aroteta-A-Koiim.

1.Tamuera 13:5

Ao a bootia aia taanga ni buaka kaain Biritia b'a a na buakaniia Iteraera. M'aitin aia kanibuaka bon 3,000 6,000 taani buaka i aoia aoti, ao a rangi ni m'aiti aia tautia ake a nakonako i aon waeia kaanga ai aron m'aitin tanon te bike. A nako Mikemati ao a katea aia kaemb'a i Beta Awen.

1.Tamuera 29:2

Ao a m'ananga uean Biritia ake niiman ma aia taanga ni buaka nako aika kaka tebubua ao aika kaka te ngaa rorobuaka iai; ao Tawita ma ana rorobuaka a m'aati mai buki ma te uea are Akiti.

1.Tamuera 6:16

Ao ngke a noora arei taan tautaeka mai Biritia ake niiman, ao a okira Ekeron te bong naba anne.

1.Tamuera 6:18

Ao a kanakoa naba temanna te kimoa are koora nakon tatabeua te kaawa ake a oonaki, ao nakon taiani kaawa ake a tautaekanaki irouia taan tautaeka ake mai Biritia ake niiman. Ao bon arei naba ni boong aikai n ana katawanang Iotua te atiibu are buubura are a kamenaa iai te Atiniberita Kanoan Rewi, ao e bon riki b'a te b'ai ni kauring n te b'ai are riki.

1.Tamuera 6:4

Ao a taku taiani ibonga ma taani kaiwa: Bon iai niiman taan tautaeka i aon Biritia, ao a bane n ti te bo aorakiia ma aorakimi.