Tani Motiki-taeka 3:29 - Te B'aib'ara

²⁹ Ao i m'aain are e toki te buaka, a tiringiia e kaaniia 10,000 tautian Moaaba--akea temanna ae birinako n rawea maiuna.

Tani Motiki-taeka 3:29 ပူးပေါင်းရင်းမြစ်များ

Iobi 15:27

b'a e kun n nuonuo,

Taian Areru 17:10

Akea aia nanoanga, ao a tataetae ni kainikatonga.

Te Tua-Kaua 3:18

Ao I kaangai nakoia m'anen baronga aikai Reuben, Kaata, ao Manate Mainiku: E tuangai te UEA ae Atuara b'a N na anganingkami te aba aei ma kaawa, ao I a tia ni karaoa anne. A kona n tiku ikai buumi ma natimi ma ami nanai n tiibu ao kooti aika bati, ao ami nanai ni kao aika bati. Ma ngkami m'aane ake kam kona ni ira te taanga ni buaka kam na ri nanon te Karaanga are te Ioretan ni buokiia baronga ake tabeua, i bukina ngke bon ami koraki.

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.

Tani Motiki-taeka 3:17

Ao Euta ma Iteraera tabem'aang a rikoi taian roonrab'ata nakon Ekeron, are bon te aomata ae marikarika. Ao n te tai are a anga iai taian roonrab'ata nakon Ekeron, ao e taku Euta b'a e a bo tain okiran te auti.

Tani Motiki-taeka 3:28

Ao a bane ni bootaki Iteraera, ao e takaarua ni kaangai, “Kam na irai, ao E na buokingkami te UEA ni kataenikaia kaain Moaaba.” Ao a ira Euta Iteraera nakon te karaanga are te Ioretan, ao a taui taabo ake a riri nanon te Ioretan iai aomata are te kawai nako Moaaba. A bon tuukia aomata b'a akea ae na ri nanona,

Tani Motiki-taeka 3:30

E bon rangi ni konaaki buaka Moaaba, ao e bon rangi ni maan manga kaokan korakoraia ni manga buakana riki Iteraera. Ao e tiku n rau Iteraera i nanon 80 te ririki.