Tani Motiki-taeka 3:12 - Te B'aib'ara

¹² Ao a manga aki ongotaeka naba Iteraera iroun te UEA. Ma ngaia are, E kataenikaiia Iteraera te UEA iroun te uea are Ekeron are uean Moaaba,

Tani Motiki-taeka 3:12 ပူးပေါင်းရင်းမြစ်များ

2.Uea 5:1

Bon te mataniwi n te taanga ni buaka mai Turia te aomata ae Naaman. E a tia ni buokaki ma ana taanga ni buaka iroun te Atua ni katokanikaiaki i aoia aia kairiribai. Ma ngaia are, e rangi n onimakinaki Naaman iroun te uea. Bon te tia buaka ae e ninikoria Naaman, ma e reke i rouna te aoraki ae te reebera.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Itaia 10:15

Uean Turia, e konaa te tanai ke te tao ni karanganakoa teuare e b'ainna? E konaa te boora te kai n tabeka te aomata are e tabekia?

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Etekiera 38:16

Ko na buakana Au aomata kaanga nangin te buaka ae rabuna aon te aba. N na kariaia b'a ko na taua abau are Iteraera, b'a a aonga botannaomata nako n te aonnaba n ataia b'a bon te UEA Ngai ae I tabu.

Taniera 4:22

“Te uea ae ko karineaki, boni ngkoe te aroka are e rietaata ma ni korakora. Ko a tia n rikirake n rangi ni korakora n te aro are ko a roota karawa, ao e rooti taabo nako n te aonnaba aei m'aakam.

Taniera 5:18

“Nooria te uea, bon te Atua ae e m'aaka ae E karika taman Nebukaneta b'a te uea ae e korakora, ao E anganna te m'aaka ma te karineaki.

Otea 6:4

Kaain Iteraera ma Iuta, tera ae I konaa ni karaoia i bukimi? E a tia ni mauna nako tangirau iroumi e waekoa riki ni m'arua nakon te mabubu ke te aoi n otin taai.

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

Tani Motiki-taeka 2:11

E a tia te UEA ni kaotinakoia aia bakatibu mai Aikubita, ao a tia n taromauriia. Ma n te tai aei, a aki taromauria te UEA Iteraera, ao a manga taromauri bouanantin B'aara, ao bouanantin Nei Atiterota, ao ai uana naba ma bouanantiia atua riki tabeman ake ni botannaomata ake i rarikiia. Ao E rangi n un te UEA

Tani Motiki-taeka 2:14

irouia Iteraera n te aro are E a kanakoia botannaomata tabeua ni buakaniia ma ni kimoai arokaia ma aia b'ai riki tabeua. A mena kairiribai n taabo ni kabane, ao E bon kairiia te UEA b'a a na kataenikaia Iteraera n te buaka. E a kaman kauringiia Iteraera b'a E na boni karaoa te aro aei, ao ngkai a taonaki n te kaangaanga Iteraera.

Tani Motiki-taeka 2:19

Ma rimwi riki, a na rikirake ni bure Iteraera nakoia aia bakatibu. A tangingabono Iteraera, a aki katoka aroia n tataromauria atua riki tabeman ke n ongo aia reirei aaro tabeua.

Tani Motiki-taeka 3:11

ao e tiku n rau Iteraera ni karokoa maten Oteniera tao e kaaniia 40 te ririki i mwiina.

1.Tamuera 12:9

Ma a manga m'aninga taekan te UEA ami bakatibu, ma ngaia are, A kataenikaiaki irouia kaain Biritia, ma uean Moaba, ao Titera, are te kam'aanta n ana taanga ni buaka Atora.