Tani Motiki-taeka 3:11 - Te B'aib'ara

¹¹ ao e tiku n rau Iteraera ni karokoa maten Oteniera tao e kaaniia 40 te ririki i mwiina.

Tani Motiki-taeka 3:11 ပူးပေါင်းရင်းမြစ်များ

1.Rongorongo 4:13

Kenati bon tamaia Oteniera, ao Teraia. Iai natin Oteniera aika uoman m'aane aika: Atata, ao Meonotai

Neemia 9:28

Ma ngkana a mena i nanon te rau, a na manga rairaki ni kaaitarako, ao Ko na anga ngaiia nakoia aia kairiribai. Ao i mwiina, ane a na buubuti buokaia, ao Ko na kamaiuia n te tai teuana ma teuana i bukin korakoran am nanoanga.

Etita 9:22

Bon aika boong are a tia iai I-Iutaia ni kamaiuia i bon irouia mairouia aia kairiribai; bon aei te nam'akaina are e a tia n bitaki man te tai n nanokawaki, ma ni korakai nakon te tai n kukurei ma ni kim'areirei. A tuangaki b'a a na kakauringi boong aikai ni karaoa iai aia baka n am'arake, ma n anga aia b'aintangira taian am'arake i bon i marenaia n tatabemaniia nako ao nakoia aika a kainano.

Iotua 11:23

A reke aaba ni kabane i roun Iotua n ai aron ana taeka te UEA ngkoa nakon Moote. E anga aaba ni kabane Iotua nakoia Iteraera b'a abaia, ao e tib'atib'ai i aon aia baronga n tatabeua nako. Ao a motirawa aomatan Iteraera man te buaka.

Iotua 15:17

Ai natin Kareb'a ae Oteniera E kataenikai Kiriata-Tebera, ao Kareb'a e anga natina are Nei Aketa b'a e na iein ma Oteniera.

Tani Motiki-taeka 3:10

Ao E ninia Oteniera Tamnein te UEA, ao e kairiia Iteraera nakon te buaka ni kaaitaraa Kutian Ritiataim. Ao E anga te tokanikai te UEA nakon Oteniera,

Tani Motiki-taeka 3:12

Ao a manga aki ongotaeka naba Iteraera iroun te UEA. Ma ngaia are, E kataenikaiia Iteraera te UEA iroun te uea are Ekeron are uean Moaaba,

Tani Motiki-taeka 3:30

E bon rangi ni konaaki buaka Moaaba, ao e bon rangi ni maan manga kaokan korakoraia ni manga buakana riki Iteraera. Ao e tiku n rau Iteraera i nanon 80 te ririki.

Tani Motiki-taeka 3:9

Ao a bubutiia te UEA Iteraera buokaia, ao E rinea Oteniera b'a e na kamaiuia. Bon natin Kenati are karimwiin Kareb'a Ten Oteniera.

Tani Motiki-taeka 5:31

Ti tataro nakoim, ara UEA b'a a na mate ara kairiribai ni kabane n ai aron Titera Ma Ko na karaneaneaia ni kabane n aron taai ngkana e a tib'a ingabong akana tangiriko. Ao e tiku n rau Iteraera i nanon 40 te ririki.