Tani Motiki-taeka 3:10 - Te B'aib'ara

¹⁰ Ao E ninia Oteniera Tamnein te UEA, ao e kairiia Iteraera nakon te buaka ni kaaitaraa Kutian Ritiataim. Ao E anga te tokanikai te UEA nakon Oteniera,

Tani Motiki-taeka 3:10 ပူးပေါင်းရင်းမြစ်များ

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

2.Rongorongo 15:1

I mwiin tabeua te tai, ao e taetae te Atua nakon Ataria are natin Obeta te m'aane.

2.Rongorongo 20:14

Ao e karina n taetae Tamnein te UEA nakon Iaatiera, are kanoan Rewi man te kaainga are Ataba.

Taian Areru 51:11

Tai kanakoai mai matam, Ao tai kaira nako Tamneim ae Raoiroi mairou.

Warekaia Iteraera 11:17

N na anganiia m'aakam teutana ngkana I maroroo ma ngkoe ikekei, b'a aonga ni kona n tararuaia naba aomata ma ngkoe. Ko nang aki manga tararuaia aomata n ti rab'atam.

Warekaia Iteraera 11:25

Ao ngke E taetae te UEA ma ngaia, ao te UEA, E anaa te m'aaka teutana mairoun Moote, ao E anganiia taani kairiri ake 70. Ao ngke a niniaki n te Tamnei, ao a takaarua n ai aroia burabeti. Ma bon ti aei te tai are a karaoa iai te aro aei.

Warekaia Iteraera 11:29

Ma e taku Moote nako ina, “Ko ira taangau? I tangiria riki b'a E na anga Tamneina te UEA nako ia aomata nako, b'a a aonga n riki ni burabeti aomata ni kabane.”

Warekaia Iteraera 24:2

ao e nooriia barongan Iteraera aika katei auti n rianna i nano. Ao e rina n niniaki iroun Tamnein te Atua

Warekaia Iteraera 27:18

Ao E taku te UEA, “E kona ni karaoa te m'akuri anne Iotua are natin Nun. Katoka baim i aona ni kaotia b'a boni ngaia are e na onomwi.

Ebera 6:4

B'a aomata aika tia n reke i rouia te oota, aika a tia ni katoonga te b'ai n tituaraoi mai karawa, aika a tia n anganaki naba te Tamnei are Raoiroi,

Tani Motiki-taeka 11:29

Ao E niniia Iebeta Tamnein te UEA, ao e nako Iebeta n ri nuukan Kireata ma Manate, ma ni kateirakea te taanga ni buaka. Ao n tokina, e a roko i Mitib'a i Kireata, ike

Tani Motiki-taeka 11:32

ngkana Ko kataenikaia kaain Ammon ma ni kaokai nakon mwengau ma te maiu.

Tani Motiki-taeka 13:25

Ao ngke e mena Tamton n ana kaemb'a Taan are i marenan te kaawa are Tora ma Etitaora, ao e niniaki n Tamnein te UEA.

Tani Motiki-taeka 14:19

Ao E ninia Tamton Tamnein te Atua. Ao e nako Tamton nakon te kaawa are Atikeron, ao e tiringiia iai 30 te rorobuaka ao e anai aia kunnikai. Ao i mwiina, e a manga angania rorobuaka ake 30 ake i Timna, ao e okira ana utu ma te maraki n nano ae korakora.

Tani Motiki-taeka 14:6

Ma E ninia Tamton Tamnein te UEA, ao e raeua m'angain te raian Tamton ni baina, kaanga ai aron tiringan te kooti ae uarereke. Ao a aki ataia ana karo te b'ai are karaoia, ao ngaia e aki tuangiia naba.

Tani Motiki-taeka 15:14

Ao a kabaea ni uaai taian roobu aika a rangi ni boou, ao a uotia nako man B'an Etam.

Tani Motiki-taeka 3:11

ao e tiku n rau Iteraera ni karokoa maten Oteniera tao e kaaniia 40 te ririki i mwiina.

Tani Motiki-taeka 3:8

Ao E un te UEA n te m'akuri aei, ao E a kataenikaiia Iteraera iroun te uea are Kutianritiataim are uean Turia Meang, are e tautaekanna Iteraera i nanon wanua te ririki ma n rikoi aia roonrab'ata aomata nako.

Tani Motiki-taeka 6:34

Ao E ninia Kiteon tamnein te UEA, ao e katanga te kanikina Kiteon n te bu n tuangiia kaain te kaainga are Abietera b'a a na iria.

1.Tamuera 10:10

Ao ngke e roko Tauro i Kibea, ao e kaaitibo ma koraki ni burabeti. Ao e rina n niniaki n Tamnein te Atua, ao e a moana ana taetae ni burabeti i nuukan te koraki arei.

1.Tamuera 10:6

Ao ane na niningkami Tamnein te UEA. Ao kam na riki b'a aomata ngkami aika kam kaokoro, ao ane kam na taetae ni burabeti ma ngaiia.

1.Tamuera 11:6

Ao E karina n niniia Tauro Tamnein te Atua ao E karika te un ae korakora i nanona.

1.Tamuera 16:13

Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.