Tani Motiki-taeka 21:1 - Te B'aib'ara

¹ Ao ngke a tia ni kaaitibo Iteraera i Mitib'a i m'aain te buaka ma kaain te baronga are Beniamin, ao a karaoa te berita ae tabu: Bon akea mairoura ae na anga natina te aine b'a e na mare ma m'aanen te baronga are Beniamin.

Tani Motiki-taeka 21:1 ပူးပေါင်းရင်းမြစ်များ

Te Minita 5:2

Ko na iango i m'aain ae ko taetae ke karaua raoi ni iangoia i m'aain ae ko karaoi am berita nakon te Atua. E mena te Atua i karawa, ao ngkoe ko mena i aon te aonnaba, ma ngaia ae, tai rangi ni b'arantiko.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Ieremia 40:6

I iangoia b'a N na tiku i rarikiia kaain Iuta, ao I nako ni maeka i rarikin Ketaria i Mitib'a.

Mareko 6:23

Ao e taetae n tuea nako ina ni kangai, “Ane ko tuangai, ao N na anganiko, e aoria ngkana iteran ueau!”

M'akuri 23:12

Ngke e a ngaina, ao a karekea aia iango ni kam'arua I-Iutaia tem'angina: a taetae ni bau b'a a na aki am'arake ma ni moi ni karokoa ae a tia ni kamatea B'auro.

I-Rom 10:2

B'a I kakoauaia ae a babane nanoia nakon te Atua, ma akea aia atatai

Tani Motiki-taeka 20:1

Ao a tewea boowin aia botannaomata Iteraera. Ao a karaoa aia kabowi n te tabo n taromauri are i Mitib'a i bukina ngke bon ana Aomata te Atua ngaiia. Ao a bane n roko m'aane aika a tau nakon te nakoa n tautia mai aon Iteraera ni kabane--mai Taan i meang, Beerateb'a i maiaki, ao Kireata i mainikun te Ioretan. 400,000 taiani m'aane ake a roko i Mitib'a, ao a bane n ti te bo aia namakin n aia m'akuri kaain te baronga are Beniamin. Ao e roko rongorongon te kabowi arei irouia kaain te baronga are Beniamin. Ao n te tai are a roko iai n aia tabo taani kairiiri man taiani baronga nako, ao a taku Iteraera, E kanga n riki te aro aei?

Tani Motiki-taeka 20:48

Ao a okirikaaki Iteraera nakon kaawan nako abaia kaain te baronga are Beniamin, ma n tiringiia aomata ma maan, ma ni kauraa te kaawa.

Tani Motiki-taeka 20:8

Ao a bane ni bo nanoia kaain te taanga ni buaka, ao a taku, Akea ae na okira mwengana iroura.

Tani Motiki-taeka 21:18

Ma ti bon aki kona ni kaieiniia m'aanen Beniamin ma natira aine. Ti a tia ni karaoa ara berita ae matoa b'a ti na aki karaoa anne, ao ngkana ti a manga urua ara berita, ao ti na maraia.

Tani Motiki-taeka 21:22

Ngkana a ngurengure tamaia ke tariia i bukiia, ao ti na kaangai, Taiaoka n nanoangaiia n anganiia m'aane akekei b'a buuia. A aki tau m'aitiia aine ake ti karekeia i bukiia m'aanen Beniamin n te buaka are i Iabeti. Ao kam na bon aki reke n te maraia n aron ara ti boraraoi iai ngkai kam bon aki kariaia b'a a na iein ma natimi aine.

Tani Motiki-taeka 21:5

Ao a titirakiniia i bon irouia ni kaangai, Iai mai buakoia barongan Iteraera ae aki roko nakon te tabo n taromauri? Ti a tia ni karaoa ara berita ae tabu b'a ane aki roko n te bowi i Mitib'a ao e na tiringaki.

Tani Motiki-taeka 21:7

Bon ti tabeman m'aanen te baronga are Beniamin ake a aki mate n te buaka. Ti na karekeia buuia b'a a aonga n aki mauna nako. Ma ti nang kanga ni karaoa anne, ngkai ti a tia ni berita nakon te UEA b'a akea mai rouia ae na manga iein ma natira aine?