Tani Motiki-taeka 20:18 - Te B'aib'ara

¹⁸ Ma ngaia are, a nakon te tabo n taromauri i Betaera ao a titirakina te Atua ni kaangai, Antai te baronga ae te moan m'ananga ni buakaniia kaain te baronga are Beniamin?

Tani Motiki-taeka 20:18 ပူးပေါင်းရင်းမြစ်များ

Warekaia Iteraera 27:21

Ma e na riai Iotua ni mwiokoa Ereata i bukin kakaaean te b'ai ae I tangiria b'a e na karaoia ngkana e na kairiia Iteraera nakon te buaka.”

Ioera 1:14

Tuangiia taani kairiiri ao aomata b'a a na bootaki n au Tembora. Tuangiia b'a a na aki am'aam'arake ao a na tataro ni kakorakoraia.

Tani Motiki-taeka 20:7

Bon Iteraera ngkami, ao kam na riai ni iangoa te b'ai ae na karaoaki irouia m'aanen Kibea.

Tani Motiki-taeka 19:18

Ao e taku kanoan Rewi arei, “Ti roko mai Betereem i Iuta, b'a ti kawariia ara koraki ikekei. Ao ngkai, ti na nakon te tabo are E tataromauriaki iai te UEA, ao i mwiina ti na manga oki nako abara are n aaba ake a tabukibuki i Eberaim. Ma bon akea ae e butim'aira b'a ti na tiku n aia auti ni karokoa te ngaina.

Iotua 18:1

Ngke a tia aomatan Iteraera n taua te aba, ao a bane ni ikotaki i Tiro ao a katea ana Um'antabunrianna ni kaota memenana iai.

Iotua 9:14

Ao a katoonga nikiran kanaia taan roko m'aanen Iteraera, b'a kanikinaean kariaiakan te bubuti i bukin te boraraoi n raoi, ma aki kakaea moa nanon te UEA i bukin te boraraoi anne

Warekaia Iteraera 27:5

Ao e bubuti Moote nakon te UEA b'a tera ae na karaoia,

Tani Motiki-taeka 20:17

Ao a karaua ni baairea aia taanga ni buaka Iteraera ao a kunea b'a 400,000 m'aitiia ana tautia aika rangi ni m'aatai n te buaka.

Tani Motiki-taeka 20:19

Ao a kam'ainga aia kaemb'a tautian Iteraera nakon te tabo ae kaan ma Kibea.

1.Tamuera 10:3

Kam na waakinako mai ikanne ni karokoa kam roko n te kai ae te oke are korakora are i Tabora, ike kam na manga kaaitibo iai ma teniman m'aane aika a na nako n taromauria te Atua i Betaera. Temanna mai buakoia e na kairiia teniman taiani kooti, ao temanna e na uoti tenua taiani kariki aika mronron, ao te kabanea e na uota te tiaeki ae karaoaki man te bokaboka ae kakanoa n te wain.