Tani Motiki-taeka 20:12 - Te B'aib'ara

¹² A kanakoia taan uarongorongo taani kairiiri mai Iteraera nakon taiani kaawa nako i aon Beniamin. Ao a taetae ni kaangai taani uarongorongo n taabo nako ike a nako iai, E aera ngkai a karaoa te m'akuri ae moan te buakaka m'aanen Kibea?

Tani Motiki-taeka 20:12 ပူးပေါင်းရင်းမြစ်များ

I-Rom 12:18

Ngkana kam konaa, ao karaoi b'aai ni kabane aika kam na kona iai ni maeka n rau ma aomata ni kabaneia.

Te Tua-Kaua 13:14

Kam na riai ni kakaea raoi etin te rongorongo, ao ngkana e boni koaua b'a a tia ni karaoa te m'akuri aika ribaaki kaain te kaawa anne i nanon abami,

Te Tua-Kaua 20:10

I m'aain are kam buakana te kaawa teuana ae raroa ma abami, ao kam na riai moa n anga te raoi nakoia aomata ake a maeka ikekei. Ao ngkana a taenikai, ma ni kauka aia mataroa, ao a na riki b'a ami toro. Ma ngkana a rawa n anga naba te raoi nakoimi, ma ni kataia ni buakaningkami, ao kam na katobibia aia kaawa ma ni buakanna. Ao i mwiina, ngkana E a tia te UEA ni buokingkami ni kataenikaiia, ao kam na tiringiia m'aane ni kabane. Ao kam na kairiia aine ma ataei b'a ami toro, ao kaawakin aia nanai ni man ma b'aai nako aika kakawaki.

Tani Motiki-taeka 20:11

A bane ni boraoi aomata b'a a na riai n katuaaeaki kaain Kibea.

Tani Motiki-taeka 20:13

Ti bon aki kona ni kariaia b'a e na aki katuaaeaki te bure ae moan te buakaka aei i nanon Iteraera. Kam na kanakomaia m'aane aikanne b'a ti na kamateia. Ma a rawa kaain Kibea n ongo irouia Iteraera ake tabeman.