Tani Motiki-taeka 20:1 - Te B'aib'ara

^1-3 Ao a tewea boowin aia botannaomata Iteraera. Ao a karaoa aia kabowi n te tabo n taromauri are i Mitib'a i bukina ngke bon ana Aomata te Atua ngaiia. Ao a bane n roko m'aane aika a tau nakon te nakoa n tautia mai aon Iteraera ni kabane--mai Taan i meang, Beerateb'a i maiaki, ao Kireata i mainikun te Ioretan. 400,000 taiani m'aane ake a roko i Mitib'a, ao a bane n ti te bo aia namakin n aia m'akuri kaain te baronga are Beniamin. Ao e roko rongorongon te kabowi arei irouia kaain te baronga are Beniamin. Ao n te tai are a roko iai n aia tabo taani kairiiri man taiani baronga nako, ao a taku Iteraera, E kanga n riki te aro aei?

Tani Motiki-taeka 20:1 ပူးပေါင်းရင်းမြစ်များ

2.Tamuera 19:14

Ao n te tai ae e aki maan, ao a bane te baronga are Iuta n raona Tawita, ao a kanakoa te rongorongo aei nakoina, “Nako mai ooki, ao kairiia am tautia.”

2.Tamuera 2:9

ao e karikia b'a te uea i aon Iteraera, Ietireera, Eberaim, ao Beniamin.

2.Tamuera 24:2

Ma ngaia are, e tuanga Ioaba ma aobitian te taanga ni buaka ni kaangai, “Naako nakoia kaain te baronga ni kabane i Iteraera, ni moa man kaawan Taan i meaang ni karokoa maiakin Beerateb'a, ao wareki m'aitiia aomata ni kabane aika a konaa n riki ni kaaina te taanga ni buaka. I tangiria n ataa m'aitiia.”

2.Tamuera 3:10

E taekinna te UEA b'a E na aki manga kauea temanna man ana utu Tauro ao e na onomwi Tawita n riki ni uea. E taekinna naba b'a E na tautaeka Tawita i Iteraera ao i Iuta, ao n taabo nako mai Taan i meaang nako Beerateb'a i maiaki.

1.Uea 5:5

E berita te UEA ae te Atua nakon tamau b'a ngkana e riki b'a te uea natina te m'aane, ao e na katea te Tembora i bukin taromaurian te UEA. Ma ngaia are, I a tia ni baaireia b'a N na karaoa anne.

2.Uea 25:23

Ao ngke a ongo taian aobitia n te taanga ni buaka ma tautia b'a e a riki Ketaria b'a aia tia tautaeka, ao a boowi ma ngaia aobitia i Mitib'a. Mm'aane aikai bon Itimaera are natin Netania, Ionatan are natin Karea, Teraia are natin Tanumeta are kaain Nebota, ao Iaatania are kaain Maaka.

1.Rongorongo 21:2

Ao e taku Tawita nakon Ioaba ao mataniwiin te taanga ni buaka, “Wareki m'aitiia aomata ni kabane i Iteraera, man te kaawa are Beerateb'a i maiaki ni karokoa Taan i meang. Ao n na ataia iai b'a m'aitira aika a mena ngkai i nanon au taanga ni buaka.”

2.Rongorongo 30:5

A bane ni kaoaki aomata nako ni moa mai Beera Teba i maiaki nako Taan i meang. Ai tib'a aio te kabanea ni korakora iai m'aitiia aomata aika a bukamarua te Toa are te Riao, n aron are e tauaki mwiina n te rongorongo ae e eti.

Etira 3:1

I nanon te kaitiua n nam'akaina n te ririki, ao a m'ananga nako Ierutarem Iteraera ake a tia n tekateka n aia kaawa nako.

Neemia 11:27

Ata-Tuara, Beera-Teba,

Neemia 8:1

Ni moanibongin te kaitiua n nam'akaina, ao a bootaki aomata n te tabo ae e kamataata i matan te Mataroa are te Ran.

Ieremia 40:6

I iangoia b'a N na tiku i rarikiia kaain Iuta, ao I nako ni maeka i rarikin Ketaria i Mitib'a.

Warekaia Iteraera 32:1

Ao a rangi ni m'aiti aia nanai ni kao ao n tiibu baronga ake Reuben, ao Kata, ao a nooria b'a a rangi n raraoi uteuten te aba are Iatera ma te aba are Kireata.

Warekaia Iteraera 32:40

Ma ngaia are, e a anga te tabo are Kireata Moote nakon kaaingan Makira, ao a tekateka ikekei.

Iotua 15:38

Riran, Mitibe, Ioketeera,

Iotua 17:1

Mai buakon aaba ake i maeaon te Ioretan a bon anganaki tabeman man utuun nako ana kariki ana karimoa Ioteb'a te m'aane are Manate. Makira, are taman Kireata, ao bon ngaia temanna mai i buakoia tautia aika a rangin ninikoria, ngaia are e anganaki Kireata ao Batian, ake i mainikun te karaanga are te Ioretan b'a abana.

Iotua 18:26

Mitibe, Kebira, Mota,

Iotua 22:12

Ngke a ongo aei aomatan Iteraera ao a bane ni katauraoi nakon te buaka i Tiro b'a a na buakaniia barongan mainiku.

Iotua 22:9

Ma ngaia are a teirake n nako baronga ake Reuben ma Kata ao Manate mainiku mai i buakoia aomatan Iteraera ngke a mena i Tiro n te aba are Kanaan, b'a a nang okiri abaia are n te aba are Kireata are e anganiia Iotua n ai aron Ana mwioko te UEA nakoia i roun Moote.

Iotua 4:13

Tao e nakon abwi te ngaa m'aane ake a tauraoi nakon te buaka, ao a raonaki iroun te UEA. Ao a ikotaki n te tabo teuana are aoraoi i rarikin Ieriko.

Tani Motiki-taeka 10:17

Ao a bootia aia tautia taan tautaeka i Ammon ao a kairiia nako Kireata, ao a katei aia autinrianna iai. Ao a bootaki Iteraera i Mitib'a ao a katea aia autinrianna ikekei.

Tani Motiki-taeka 11:11

Ao e nako Iebeta nako Mitib'a ma taani kairiiri mai Kireata. A bootaki kaain Kireata n tabo n taromauri ao a karika Iebeta b'a aia tia tautaeka. Ao e anga naba ana berita Iebeta nakoia.

Tani Motiki-taeka 11:34

Ao ngke e a okira mwengana Iebeta i Mitib'a, ao te moan aomata are e otinako ni butim'aia bon natina te aine. E katanga te timbere, ao e b'ab'atere i bukin ana tokanikai tamana, ao bon ti ngaia natina.

Tani Motiki-taeka 18:29

Ma a arana te kaawa arei b'a Taan, are bon natin Iteraera temanna are bon aia bakatibu n aia baronga.

Tani Motiki-taeka 20:11

A bane ni boraoi aomata b'a a na riai n katuaaeaki kaain Kibea.

Tani Motiki-taeka 20:18

Ma ngaia are, a nakon te tabo n taromauri i Betaera ao a titirakina te Atua ni kaangai, Antai te baronga ae te moan m'ananga ni buakaniia kaain te baronga are Beniamin?

Tani Motiki-taeka 20:26

Ao a nakon te tabo n taromauri Iteraera i Betaera, te tabo ike e kaawakinaki iai te Atiniberita. A tekateka i aon tano, ao a tang ma n aki am'arake ni karokoa te bong. Ao ngke e nang bung taai, ao a angakarea nakon te UEA ao a bubutiia Ana kakab'aia. Ao e tataro Bineati are te ibonga ni kaangai, Ara UEA, bon ara koraki kaain te baronga are Beniamin. Ti nang katoka buakanakiia, ke ti na buakaniia riki? Ao E taku te UEA, Buaka, ao N na katokanikaingkami nakon te ingabong.

Tani Motiki-taeka 20:8

Ao a bane ni bo nanoia kaain te taanga ni buaka, ao a taku, Akea ae na okira mwengana iroura.

Tani Motiki-taeka 21:5

Ao a titirakiniia i bon irouia ni kaangai, Iai mai buakoia barongan Iteraera ae aki roko nakon te tabo n taromauri? Ti a tia ni karaoa ara berita ae tabu b'a ane aki roko n te bowi i Mitib'a ao e na tiringaki.

1.Tamuera 10:17

Ao e kanakoa te rongorongo Tamuera nakoia Iteraera b'a ana bootaki i Mitib'a b'a a na kaaitibo ma te UEA.

1.Tamuera 3:20

Ao e bane n ataaki irouia aomata ni kabane man te kaawa are Taan are i meang nakon te kaawa are Beerateb'a are i maiaki, b'a Tamuera bon Ana burabeti ni koaua te UEA.