Tani Motiki-taeka 2:19 - Te B'aib'ara

¹⁹ Ma rimwi riki, a na rikirake ni bure Iteraera nakoia aia bakatibu. A tangingabono Iteraera, a aki katoka aroia n tataromauria atua riki tabeman ke n ongo aia reirei aaro tabeua.

Tani Motiki-taeka 2:19 ပူးပေါင်းရင်းမြစ်များ

Karikani B'aai 6:11

ao a bane ni buakaka aomata ni kabane i matan te Atua, ao e tieuataake karaoan te m'akuri n iowawa n taabo nako.

Neemia 9:28

Ma ngkana a mena i nanon te rau, a na manga rairaki ni kaaitarako, ao Ko na anga ngaiia nakoia aia kairiribai. Ao i mwiina, ane a na buubuti buokaia, ao Ko na kamaiuia n te tai teuana ma teuana i bukin korakoran am nanoanga.

Taian Areru 78:8

A na aki katotongiia aia bakatibu, ake te roro n aki ongotaeka ma n rawa ni kan aan-taeka, Ake a tuai man nene onimakinan te Atua irouia, Ao a tuai naba n teimatoa ni kakaonimaki nakoina.

Te Otinako 32:7

E taku te UEA nakon Moote: Kawaekoako n oki rikaaki! A riki b'a kaanga baaba aomata ake ko kaotinakoia mai Aikubita.

Ieremia 16:12

Ao ngkami kam a tia ni karaoa ae moan te buakaka riki! Kam taningabono, ao kam karaoi b'aai aika a buakaka ake a reke n ami iango, ngke kam bon riai n ongotaeka.

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 3:17

E na riki te kaawa ni kabane ae Ierutarem b'a au kaintokanuea. A na bane n nakomai botannaomata n taromauriai, ao a na aki manga iri nanon taningamatoaia ao nanoia aika a buakaka.

Etekiera 20:30

Ao i mwiina, ko na titirakiniia Iteraera b'a e aera ngkai a katotoong aia m'akuri aia bakatibu aika a buakaka

Mataio 23:32

Kam na waki ni katia te baere a tia ni moana karaoana ami bakatibu.

Te Tua-Kaua 31:29

I a kaani mate, ao I ataia b'a ae kam na aki tabe ngkana kam karaoa ae eti ke e bure, ao ane kam na aki ongotaeka iroun te UEA ma ni katoka maiuakinan te kawai are I a tia n tuangingkami b'a kam na maiuakinna. Ane na un te UEA, ao ane a na roko taian kangaanga iroumi.

Iotua 24:31

Ao a taromauriia te UEA aomata i nanon ana tai ni maiu Iotua. Ngke e a mate Iotua ao a bon teimatoa naba n taromauriia te UEA aomatan Iteraera i bukina ngke a bon maiu naba aia taani kairiri ake a bon noori naba Ana m'akuri ni kabane te Atua ake E a tia ni karaoi i bukiia Iteraera.

Tani Motiki-taeka 10:13

Ma N nang aki manga kamaiungkami riki. Kam a tia ni kiitanai ma n taromauriia atua riki tabeman. Ngkana iai ami kaangaanga ae ab'ab'aki, ao nakoia ni butiia buokami.

Tani Motiki-taeka 2:18

Ao ngkana a karawawataaki maiuia Iteraera irouia aia kairiribai ao E na manga nanoangaia te UEA. E na rinea te tia motikitaeka ma ni buoka te tia motikitaeka anne ni kamaiuia Iteraera mai rouia aia kairiribai. E na bon nanoangaiia Iteraera te UEA i nanon ana tai ni maiu te tia motikitaeka.

Tani Motiki-taeka 2:20

Ao E un te UEA irouia Iteraera ao E taku: A tia Iteraera n urua te boraraoi are I karaoia ma aia bakatibu. A aki ongotaeka irou,

Tani Motiki-taeka 4:1

I mwiin maten Euta, ao a manga moana naba aki ongotaekaia Iteraera iroun te UEA.

Tani Motiki-taeka 8:33

Ao i mwiin maten Kiteon, ao a manga tannako Iteraera mairoun te Atua. A katei bouanantin B'aara ao a taromauria B'aara Berita b'a atuaia.

1.Tamuera 15:23

Kakaitaraan te UEA ma te aki ongotaeka nako Ina bon ti te bo ma buakakan taromauriaia bouananti ke bubutiaia kairakimi. Ko rawa ni karaoa te b'ai ae tuangko te UEA, ma ngaia are, E a tia te UEA ni baaireia b'a ko na aki konaa n uea.”