Tani Motiki-taeka 2:17 - Te B'aib'ara

¹⁷ N ririki ake a nako, ao a kakaonimaki Iteraera nakon te UEA, ma a manga waekoa n aki kakaonimaki man rawa n ongo irouia taani moti aikai. A na aki ongotaeka Iteraera iroun te UEA, ao ane a na manga taromauriia atua riki tabeman n onea mwiin taromauriana.

Tani Motiki-taeka 2:17 ပူးပေါင်းရင်းမြစ်များ

Taian Areru 106:39

A kam'araeaki n aia m'akuri, ao a aki kakaonimaki nakon te Atua.

Taian Areru 106:43

E bati ana tai ni kamaiuia, ma ti te katei rakeaia nakoina; A aki toronaomata i bukin aia bure.

Taian Areru 73:27

A na kabuanib'ai maiuia akana kitaniko; Ko na kamateia akana aki kakaonimaki nakoim.

Te Otinako 32:8

A tia ni kaman katoka ongotaekaia i Rou: a tia ni karaoa aia bouannanti ae bannan te kao te ataei. A bobaraaki nako ina, ao a angakarea nako ina, ao a taku b'a te anti arei are e kaotinakoia mai Aikubita.

Ieremia 3:6

Ngke e uea Iotia ao E taku te UEA: Ieremia, te abanuea are Iteraera ma te ainenum'a ae e aki kakaonimaki are e a manga riki b'a te aine ae ainen matawa i aon taian tabuki ao i aan nuun taiani kai aika a korakora.

Ieremia 6:16

E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

Otea 2:2

Bukinna! Bukina tinam! Ai tiaaki buu, ao ai tiaki buuna Ngai ae te UEA. Butiia b'a e na katoka arona n riki b'a ainen matawa ma ana aki kakaonimaki nakon buuna,

Nakoaia Ibonga 17:7

E riai ni kakaonimaki te I-Iteraera n toki man titiringan ana karea are e kaakarean nakon antin te kooti. E na kawakina te tua aei te I-Iteraera ni karokoa taai aika a na roko.

Amota 2:4

E taku te UEA, “A teimatoa ni kakaraoa te bure kain Iuta ao N na bon katuaaia i bukin aei. A tia ni katinanikua au reirei, man aki kawakin au mwioko. A manga okira aroia aia bakatibu n taromauria antiia.

I-Karatia 1:6

I mimi ngkai kam kai rairaki mairoun Teuare weteingkami n ana akoi Kristo, nakon te euangkerio teuana;

Te Tua-Kaua 31:16

Ao E taku te UEA: Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,

Te Tua-Kaua 31:18

Ane a na tataro nako iu, ma N na aki kubariia i bukina ngke a buakaka ma ni moana taromauriaia atua tabeman.

Te Tua-Kaua 9:12

ao E taku: Moote, ko na kawaekoako n ruo man te maunga nakoia aomata ake ko kaotinakoia mai Aikubita. A tia n aki ongotaeka nako Iu, b'a a karaoa te bure ae moan te buakaka are karaoan te bouananti.

Te Tua-Kaua 9:16

Ao I noori aromi b'a kam waekoa ni karaoa te bure, ao n aki ongotaeka nakon te UEA ae Atuami. Ao kam a taromauria te bouananti ikekei ae karaoaki man te biti ae kam karaoia b'a katotongan te kao teteei.

Iotua 24:24

Ao a kaeka aomata nako Iotua, “Ti na taromauriia te UEA ae Atuara, ao ti na ongotaeka i rouna.”

Iotua 24:31

Ao a taromauriia te UEA aomata i nanon ana tai ni maiu Iotua. Ngke e a mate Iotua ao a bon teimatoa naba n taromauriia te UEA aomatan Iteraera i bukina ngke a bon maiu naba aia taani kairiri ake a bon noori naba Ana m'akuri ni kabane te Atua ake E a tia ni karaoi i bukiia Iteraera.

Tani Motiki-taeka 8:33

Ao i mwiin maten Kiteon, ao a manga tannako Iteraera mairoun te Atua. A katei bouanantin B'aara ao a taromauria B'aara Berita b'a atuaia.

1.Tamuera 12:12

Ao kam nooria b'a e nang buakaningkami uean Ammon are Naati. E ngae ngke bon ami UEA ae te Atua ae ami uea, ma kam taku nako iu, “N te tai aei ao e kaokoro, ao ti a tangira te uea ae na tautaekaniira!”

1.Tamuera 12:17

Tiaki aei ngkoa tain te m'auteretere? N na bubutiia te UEA b'a E na karokoa te karau ma te baa. Ngkana kam nooria, ao kam na ataia b'a kam a tia ni bure ngke kam tangira te uea.

1.Tamuera 12:19

Ao a taku nakon Tamuera, “Taiaoka ma tataro i bukira nakon te UEA ae Atuam. Ti aki kan mate. A m'aiti ara bure nako Ina n taai aika nako, ao ti bon rangi ni bure naba ngke ti a manga tangira te uea.”