Tani Motiki-taeka 2:14 - Te B'aib'ara

^14-15 irouia Iteraera n te aro are E a kanakoia botannaomata tabeua ni buakaniia ma ni kimoai arokaia ma aia b'ai riki tabeua. A mena kairiribai n taabo ni kabane, ao E bon kairiia te UEA b'a a na kataenikaia Iteraera n te buaka. E a kaman kauringiia Iteraera b'a E na boni karaoa te aro aei, ao ngkai a taonaki n te kaangaanga Iteraera.

Tani Motiki-taeka 2:14 ပူးပေါင်းရင်းမြစ်များ

2.Tamuera 24:1

Ao E un te UEA irouia Iteraera, ao e karekea ana iango Tawita b'a e raoiroi ngkana e wareki m'aitiia Iteraera ma Iuta.

2.Tamuera 7:11

ngke I kariaia taani motikitaeka b'a a na tautaekana au botannaomata. Ao I a tia n taraia ami kairiribai b'a a na aki buakaningkami. Ngkai I berita b'a ko na uea ma am kariki.

2.Uea 13:3

E un te UEA irouia Iteraera, ma ngaia are, e karika uean Turia are Ataera ma natina te m'aane are Benatata b'a a na tautaekaniia n te tai ae e maan.

2.Uea 17:20

Ma ngaia are, E a tannako te UEA mairouia Iteraera ma Iuta ni kabaneia, ao e karikiia b'a a na katuaaeaki ma ni kookonaaki ni karokoa bon akea temanna nikiraia.

2.Rongorongo 15:5

A bon m'aiti taian kamangaongao ni boong akekei are e aki tau iai te m'am'ananga nakon taabo nako i aon Iteraera.

2.Rongorongo 28:5

A bure ao a tannako mairoun te UEA ae te Atua are e taataromauriaki irouia aia bakatibu Aati ma kaain Iuta. Ma ngaia are, e katuuaia te UEA ni kataenikaiia irouia aia kairiribai.

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Neemia 9:27

Ma ngaia are, Ko anga ngaiia nakoia aia kairiribai, ake a karaoa te m'akuri ae moan te buakaka nakoia. A buubuti buokaia mai i buakon rawawataia. Ko kakauongo nakoia mai karawa nakon aia tataro ko kanakoia taani kairiiri b'a a na kamaiuia i bukin am nanoanga ae e korakora,

Taian Areru 44:11

Ko anga ngaira b'a kanga tiibu nakon te kamateaki; Ko kamaaenakoira i buakoia botannaomata.

Taian Areru 44:12

Ko kaboonakoia am Aomata n te boo ae uarereke ke ae akea booia, n akea am raka iai.

Itaia 42:24

E bubure Iteraera ao e rawa n ongotaeka iroun te UEA ke n aki iri ana babaaire. Ma ngaia are, e karaoia te UEA b'a a na iraeaki aia b'ai ni kabane.

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Ieremia 37:10

E ngae ngkana kam konaa ni kataenikaia aia taanga ni buaka ni kabane ma ane e na bon reke naba aia tai aika ikoaki aika nikira ni maiu ni kiitan aia autinrianna ma ni kaurarakea Ierutarem.

Nakoaia Ibonga 26:17

ao N na tannako mai roumi, ao N na kariai ngkami b'a kam na kamaunaaki irouia taan eekinakoingkami. Ane kam na biritakaka n ongotaomi te bo ni buaka ngke bon tiaki te bo ni buaka.

Nakoaia Ibonga 26:28

ao ikanne are I a boni karokoi naba ami bong i bukin ami bure.

Nakoaia Ibonga 26:37

Ao ane kam na mamaara ma n tatatata ao ni b'aka temanna i aon temanna, e ngae ngkana akea ae e kakioingkami.

Warekaia Iteraera 32:13

ma E rangi n un irouia ake tabeman n te aro are E a kanakoia b'a a na tiotio nako n te rereua i nanon 40 te ririki. I m'aain te tai anne, a bane n tia ni mate aomata ake a tia ni bure nako Ina.

Warekaia Iteraera 32:14

Ao ngkai kam a manga karaoa naba te aro arei ngkami aomatan Reuben ao Kata; kam a rangi ni kauna riki te UEA.

Te Tua-Kaua 28:20

E na kamangaongaoingkami te UEA, e ngae naba ngkana kam iangoa tian te b'ai teuana, ao ane kam na namakina unna. Kam na aki teimatoa ni maiu, ao kam na kaitibo ma taian kabuanib'ai aika kakamaaku. A riki baikai ni kabane i bukina b'a kam tinanikua te UEA.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 28:58

Kam na ongotaeka nakoni b'aai ni kabane akana a m'akoro n ana Boki n Tua te UEA, b'a ngkana kam aki karinea te UEA,

Te Tua-Kaua 32:30

E na kanga ti temanna aia tautia kairiribai ni kakioia teuana te nga tautian Iteraera? Ke a na kanga uoman mai buakoia ni kakioia tebwina tengaa aia taanga mai roura? E ti kona n riki aei ngkana E katoka Ana kakaawakin te UEA nakon Iteraera ma ni katokanikaia kairiribai.

Iotua 23:16

E na bon orei ngkami te UEA ao kam na waekoa ni mauna nako n akea nikirami n tiku n te aba ae raoiroi aei, ae E a tia n anganingkami, ngkana kam aki kaawakina ami raoiroi ma te UEA ae Atuami, ao ngkana kam taromauriia naba anti tabem'aang.”

Tani Motiki-taeka 1:34

Ao a korakora kaain Amora n totokoia kaain te baronga are Taan b'a a na aki maeka n taiani m'arua. Ma ngaia are, a tiku te baronga are Taan n aaba ake a tabukibuki.

Tani Motiki-taeka 10:7

Ao E un te UEA irouia Iteraera ao E iangoia b'a E na kanakoia kaain Biritia ma kaain Ammon b'a a na kataenikaiia.

Tani Motiki-taeka 2:20

Ao E un te UEA irouia Iteraera ao E taku: A tia Iteraera n urua te boraraoi are I karaoia ma aia bakatibu. A aki ongotaeka irou,

Tani Motiki-taeka 3:12

Ao a manga aki ongotaeka naba Iteraera iroun te UEA. Ma ngaia are, E kataenikaiia Iteraera te UEA iroun te uea are Ekeron are uean Moaaba,

Tani Motiki-taeka 4:2

Ma ngaia are, E kanakoa uean Kanaan are Iabin are mena i Atora b'a e na kataenikaiia Iteraera. E maeka ana kam'anta Iabin are Titera i Aroteta-A-Koiim.